食用安全│父親用洗潔精水解凍豬肉 浸在起泡污水女兒崩潰難理解

處理食材衛生差，隨時病從口入！一位網民近日大呻家人食物安全意識差劣，發現父親竟將生肉放在洗潔精水中浸泡解凍，形容難以理解其背後動機，震驚表示：「我屋企仲污糟過出面（餐廳）！」

該女網民前日（9日）在「Dcard」討論區以「屋企定餐廳污糟啲？！」為題發帖，指母親一直強調「屋企乾淨過餐廳」，著她不要「嫌三嫌四」，惟事主最近發現，家中碗碟即使清洗後仍留有油漬，甚至「有啲白色嘢在上面」，令其大感崩潰，最終只好將所有碗碟重新清洗。

雖然向父母抱怨過後情況有改善，但她再發現另一驚人現象。事主目睹父親竟把準備烹調的生肉浸在盤中，裡面有含洗潔精的洗碗水、未洗的匙羹、飯勺，甚至大量飯粒，並浮起一層白色泡沫。

事主形容發現時「人都癲」，並猜測父親正將冷藏豬肉解凍，但難以理解用此方法的因由，「佢唔好同我講話，為咗慳少少水，所以放喺洗碗水度啊！」她甚至認為餐廳的整潔度比家中更好，

「我真係覺得我屋企仲污糟過出面（餐廳），起碼我去餐廳時，未見過咁嘅情況......可能我返 (工) 嗰間比較乾淨啦......」

{{hket:inline-image name="nXY57NWh.jpg"}}{{/hket:inline-image}}

帖文引起網民熱烈討論，紛紛留言指可怕，「一般情況屋企點都乾淨啲，但樓主你屋企......」、「嚿肉咁樣都真係好恐怖，我就唔會食」、「你咁樣擺喺到仲衰過垃圾桶搵番啲嘢出嚟食咁」、「浸咗洗潔精會食死人......」事主則回應，認為生肉已被污染，故自己當晚不敢吃肉。

解凍冷藏肉4大貼士

食物安全中心提醒，購買預先包裝的冷藏肉類時，應檢查食用期限。如購買散裝的冷藏肉類，則應確定是否冰硬及表面乾燥。冷藏肉類購買後如非立即使用，應盡快將之放進雪櫃冰格，並按照生產商的指示存放產品，於過期前食用。至於解凍冷藏肉亦需多加注意以下重點：

（↓點擊圖片放大↓）

42歲男子食生豬肉後雙腿疼痛，照X光揭滿腳白點遍布寄生幼蟲，詳情即睇：【下一頁】

每朝索取《晴報》：精明生活．健康家庭．開心娛樂 

撰文：黎穎芯