新城市廣場LEGO®新春動樂園 最啱新年行大運

臨近新年，黛安收到風，沙田新城市廣場嚟緊會大變身，由1月下旬至2月28日，將同LEGO®合作布置「LEGO® LET'S MOOVE新春動樂園」，啱晒大家新年去行大運。

公關姊妹話，今次活動首次齊集12生肖LEGO®迷你人偶同大家拜年，場內仲有大量打卡位，包括以1︰20比例，完美還原LEGO®最新牛年園林亭園、好運紅牛、4米高林村許願樹及LEGO®花墟等等。

大家仲可以參加場內3個至Fit動樂大挑戰，憑耐力、靈活同力量完成指定挑戰，即可收集珍藏版LEGO®閃卡及打氣貼紙。另外，新城市廣場更特別為大家準備全港獨家換領嘅LEGO®福氣小燈籠，由今個月15日至下月28日，憑住展位現場派發嘅贈品卡喺場內LEGO®Certified Store、玩具反斗城、一田百貨或LOG-ON購買任何LEGO®盒裝產品，就可以換領，數量有限，換完即止，詳情可向店員查詢。