有片︳除夕元朗民居旁放煙花 爆足2分鐘街坊投訴以為爆炸

香港在新冠肺炎疫情下踏入2021年，除夕倒數煙花取消，但元朗卻有市民違法放煙花，而且地點甚近民居，街坊指幾乎「爆到旁邊嘅大廈」，有人則投訴窗外突然傳來巨響以為爆炸，甚至嚇喊家中嬰兒。事後有消防員及警員到場了解，但現場只剩下載煙花的紙箱。

居於元朗的讀者Ken向《晴報》表示，今日因疫情留在家中倒數，在踏入2021年一刻，窗外突然傳出巨響和閃光，一看即見原來樓下有人放煙花，而且非常貼近民居，他形容：

「爆足2分鐘，升到20、30樓咁高，好震撼，好似去左維港咁，但啲火花幾乎爆到旁邊嘅大廈，好牙煙！」

他指放煙花位置與毗鄰大廈只有數十米，擔心火花有機會燒到民居，「隨時燒著啲衫褲」，期間有居民向窗外大叫表示不滿。

（↓點擊圖片放大↓）

網上煙花片段：

{{hket:facebook-video id="1375539232791096"}}{{/hket:facebook-video}}

{{hket:facebook-video id="10158015964871305"}}{{/hket:facebook-video}}

消防警察到場處理

Ken表示，約5分鐘後有消防車及警車到場，不過放煙花人士早已離開，「消防員執走咗地下啲紙箱」。據照片可見，有人將多個盛載煙花的紙箱放在行人路邊，點燃後只剩下熏黑紙箱。

{{hket:inline-image name="9.JPG"}}{{/hket:inline-image}}

區議員：放到咁近Yoho 出意外點算

元朗區議員張秀賢今日凌晨貼出煙花片段，並表示：「煙花係犯法嘅，尤其放到咁近Yoho，有咩事出左（咗）意外又點算？」他指放煙花位置接近屋苑Yoho Town，故已報警處理。有街坊則留言表示：「完全嚇到我，以為發生大爆炸」、「太近民居啦！啲有屋企或者流浪動物都嚇親，家裡bb都嚇到喊！」、「屋企啲貓震晒！不知所謂。」