無公德心│用過口罩膠布亂棄救護站浴室 救護員批同袍：點解可以咁污糟

新冠肺炎疫情持續，防疫意識不可鬆懈，身為醫護人員更應保持高度警覺，惟有自稱駐守上水救護站的救護員，近日揭露救護站浴室衛生狀況惡劣，有同袍疑將用過口罩及膠布胡亂棄置淋浴間，直言令他「睇唔過眼」。

有自稱救護員近日向facebook專頁「公務員secrets」投稿，帖文圖文並茂，指自己駐守於上水彩順街1號消防處上水救護站，發現該救護站隊員浴室衛生惡劣。從照片可見，有數個使用過的口罩，被人放置淋浴間掛架上，地上亦有使用的膠布、疑似蟑螂殘肢等。

投稿者稱，雖然該浴室的衛生狀況與公眾浴室相比之下，未顯得十分惡劣，但認為同袍身為救護員，應保持衛生意識，形容：

「救護員點解可以咁污糟邋遢？連我自己係救護喺度守我都睇唔過眼，用過的口罩，膠布丟下就算，沖完涼淋浴用品永遠無話拎番走，周圍丟，我實在忍無可忍。」

（↓點擊圖片放大↓）

網民擔心有「播毒」風險

對此，不少網民都批評浴室使用者行為差劣，導致浴間髒亂，「口罩周圍丟真係好唔衛生！」、「沖完仲污糟過唔沖」、「救命吖……好污糟吖見到小強殘肢恐怖啲」、「佢哋都係打份工啫，剝咗制服咪又係普通人一個，大把唔守規矩啦」。

另有網民提起早前爆發疫症的碼頭群組及地盤群組，指確診者或因共用更衣室及浴室而受感染，認為若不解決衛生問題，救護站內恐怕有「播毒」風險：

「用家唔衛生啲，管理層又唔理唔搵人跟進前線公用設施，到頭來因為呢啲野爆疫除咗受千夫所指，仲會畀人笑㗎！」

疫情下被「揸盡」休班繼續加操，救護員猝死遺妻兒，同盼取消體能考試，詳情即睇：【下一頁】