《愛回家》金城安反串獲讚「子珊」載譽重現 朱凌凌英雄救美網友直呼係真愛

《愛回家之開心速遞》的編劇們一向都留意網民的反應，今年9月金城安（周嘉洛飾）曾經男扮女裝去捉學校的鹹豬手醫生，沒想到首次扮女生的他獲得網友一致好評，更有很多觀眾讚他似足徐子珊。當時周嘉洛接受《晴報》訪問時說：「徐子珊靚好多，我塊面西瓜咁大喎，差好遠，不過多謝網友嘅讚賞，我覺得自己同我妹妹係真係幾似樣。」可能編劇們見反應熱烈，金城安昨晚一集再次扮女生登場，今次因為電影公司老闆正一（邵展鵬飾）睇中「她」，於是她繼續扮女生為短片擔任女主角，更直接用上「子珊」的名字，雖然同學們全部見到都想反胃，但偏偏定一對「她」情有獨鍾，更展開「猴擒式」追求。

《愛回家》周嘉洛演偽娘僭建身材全靠佢？ 被讚似徐子珊不敢當自覺最似親妹【下一頁】

正一在沙灘正式向「子珊」示愛，更一度想錫佢，嚇到金城安即時逃走，朱凌凌（吳偉豪飾）見此即時英雄救美，幾乎一拳打落定正一的面上，勁Man說：「你唔好再搞佢，如果唔係我唔會放過你！」隨即將金城安公主式抱起離開現場，這個浪漫又唯美的畫面實在令定正一和電影學會所有人都動容。

不少網友都紛紛留言說：「金城安好靚，朱凌凌好man啊！」、「wow…男扮女裝嘅子珊好搞笑，唔錯」、「朱凌凌抱起子珊個下（嗰吓）真系（係）笑到噴」、「其實金城安扮女人都的確幾靚呀！」、「佢又真係好靚喎！」、「金城安做得超正」等等，今次反應繼續熱烈，編劇會否繼續讓「子珊」延續落去呢？

《愛回家》島大全新女神今晚隆重登場 金城安反串扮女人捉鹹豬手醫生【下一頁】

其實，昨晚劇終前的一幕盡見周嘉洛和吳偉豪之間的默契，肢體動作和節奏都一致。其實兩人在《愛回家之開心速遞》之前，早於2015年就一齊考入第28期藝員訓練班，嘉洛形容當時見到吳偉豪和他的二哥兩個靚仔一齊考，一度擔心自己未能入圍，後來他們一齊加入訓練班，嘉洛和偉豪都是周星馳電影的忠粉，話題相近。他們入行初期一齊做跑龍套，一齊演古惑仔，直至加入《愛回家》後，兄弟情越來越濃厚，他們在劇中的口頭禪、動作等都是私底下度出嚟，每次都默契十足，加上編劇之前寫他們有不少「HeHe」的畫面，令他們成為《愛回家》其中一對男男CP。

責任編輯：楊安莉