利園區消費 換限量香港迪士尼樂園禮品

米奇老鼠同一班迪士尼朋友今個聖誕會進駐利園二期、希慎廣場同利舞臺廣場，陪大家歡度佳節。黛安收到風，利園區會同迪士尼聯乘，推出連串聖誕消費獎賞。

由即日至12月27日，喺利園區逾200間商戶消費滿指定金額，就可獲得電子優惠禮券。如果周五、六去掃貨，仲可享雙倍獎賞回贈，有機會獲得高達$4,200電子優惠禮券！如果憑利園二期及三期商戶，或逢周六、日及公眾假期利園區食肆發出即日單一電子貨幣消費滿$500嘅單據，就可獲電子印章1個，儲滿指定數量仲可換指定香港迪士尼樂園禮品㖭。此外，即日至明年1月13日場內仲加推「Magical Christmas‧聖誕新年大激賞」，喺利園區商場內以手機掃描推廣活動QR Code，即可進入AR遊戲頁面，份份禮物就會從天而降，點擊心水品牌禮物即可獲電子優惠券，仲可用App內功能轉贈畀朋友㗎。