網購迪士尼精品 最佳聖誕禮物

聖誕節就快到，黛安收到風，香港迪士尼即日起推出咗全新「迪士尼佳節禮贈預訂」網上平台，可以優惠價預訂逾120款樂園15周年及佳節慶典主題商品，大部分係香港獨家㗎！

大家可享全網佳節慶典主題商品半價及其他商品85折購物優惠，消費淨額滿$600更可獲贈1個價值逾$300奇妙禮品包。如果係奇妙處處通銀卡或金卡會員，除以上優惠，其他商品可獲75折，白金卡更有65折㖭！

黛安正打算送「Grand Celebration」系列米奇與好友音樂卡畀姊妹；另外，又睇中售$199嘅香港迪士尼樂園15周年奇妙夢想城堡手機套；同埋售$179嘅「Crystal Dreams」系列奇妙夢想城堡水晶球，平台上仲有好多好靚嘅貨品，送畀朋友做聖誕禮物就最啱，大家即刻上網預訂啦。