美酒佳餚大師班 可網上足本重溫邊學邊整

今年「香港美酒佳餚巡禮」換咗方式，以綫上綫下形式舉行。黛安聽公關姊妹講，今次疫情下仍非常受歡迎，好似「網上大師班」就錄得近85萬人次收看，雖已圓滿結束，但仲可以喺網上足本重溫㗎。

今年美酒佳餚噚日正式圓滿結束，其中34場「網上大師班」深受歡迎，約30%觀眾來自香港以外地區，包括印度、台灣、英、法、美、加等。在芸芸大師班中，最受歡迎嘅包括富臨飯店行政總廚黃隆滔師傅嘅「阿一炒飯班」、少爺啤聯乘Monsieur CHATTÉ嘅手工啤酒「芝」味搭配入門班等，仲提供品酒或食材套裝畀市民預購，可邊學邊整。聽講由日本SSI認定嘅酒師盧靜文主講嘅「雪女神」清酒班，其品酒套裝喺短時間內已全部售罄㖭！