天王嫂方媛（Moka）自從嫁郭富城之後備受關注，人氣直逼城城！就算早前被指佢曾參加「天王嫂訓練營」，都無減城城對佢嘅愛，仲刻意罕有咁喺社交平台放閃氹老婆添，對佢實在係寵愛有加！
對你愛不完！（方媛IG）
方媛全力照顧兩個囡囡，身為幸福人妻嘅佢不時都會喺在社交平台曬家庭樂靚相，仲會分享佢嘅扮靚心得！唔少人都對天王嫂嘅生活非常好奇，方媛單係微博已經坐擁超過204萬粉絲，人氣爆晒登！
好幸福～（方媛IG）
日前方媛拍片分享自己近期最愛嘅「日常穿搭」，雖然睇落都係一啲休閒服裝，但其實幾乎件件都係一線名牌，相當奢華，粉絲想跟住佢咁着都未必跟得到！
星味十足！（方媛微博）
（方媛微博）
Moka今次分享的7個Look都是以冷衫同外套為主，包含型格、甜美、優雅等各種風格，都係一啲冬季嘅款式。Moka偏愛挑選品牌辨識度高的單品或Logo items，當中不乏Chanel、Dior、LV、Hugo Boss等一線名牌，亦會利用名牌飾品點綴！
方媛話呢件係情侶裝，大家都好想見到佢同城城著住出巡！（方媛微博）
曾經係Model嘅城嫂擺Pose冇難度！（方媛微博）
內地嘅網民一致大讚方媛：「漂亮有氣質穿甚麼都好看，生完兩個小孩身材還那麼好！」、「看到就想買來和嫂嫂同款，太好看！」仲話佢散發出嘅氣質真係用錢都買唔到呀！
一個手袋多個襯法，似乎都唔係「大花筒」！（方媛微博）
不過香港嘅網民就似乎唔多認同，認為方媛嘅衫都唔多睇得出係名牌，指佢同一般內地嘅網紅無異，好似做緊帶貨賣衫咁話，但亦有人覺得方媛自從嫁畀城城之後越來越靚，亦開始散發貴氣！
身材好弗～（方媛微博）
少女感！（方媛微博）
撰文：黃蘊姿