《愛回家之開心速遞》昨晚一集「三杯根」，熊家上下誤以為熊樹根（劉丹飾）跟食屎陳師奶（孫慧蓮飾）暗地裡交往，大妹熊尚善（滕麗名飾）為了斬斷爸爸的七情六慾，於是安排樹根和弟弟熊樹仁（單立文飾）加入大佛廟宇的辟穀團。熊樹仁卻難耐肚餓和沉悶的佛經堂，犯禁偷偷取回自己的手提電話向家人投訴，豈料遇到廟宇的方丈，用木魚的小木鎚敲打其頭！方丈一角在劇終演員名單都沒有他的名字，默默無聞，但他其實陪住不少香港人成長，他是特約演員──計祥龍 (龍哥)。
【TVB御用強姦犯】黃煒溏做武師替身毫無懼色 鐵漢柔情為女兒戒煙禁粗口【下一頁】
計祥龍飾演方丈一角。（《愛回家之開心速遞》電視截圖）
方丈指斥熊樹仁教壞熊樹根，搞到後者偷走！（《愛回家之開心速遞》電視截圖）
戲份不多，不過計祥龍的樣子太令人印象深刻。（《愛回家之開心速遞》電視截圖）
計祥龍笑言自己由和尚升呢做方丈。（《愛回家之開心速遞》電視截圖）
龍哥入行已經長達40年，其實不止《愛回家》見到他，在《使徒行者3》中，都有份飾演獄黑道人物李成昌的獄中手下，兇神惡煞的樣子實在令人印象深刻。事關他過往在電影或者電視劇所飾演的角色都是反派居多，包括兇惡大漢、黑幫成員、鹹濕佬等等。龍哥接受《晴報》電話訪問時笑言：「升咗職啦，以前演和尚，今次《愛回家》做方丈！哈哈哈！我入行40年喇，之前我係做造鞋業呢行，但因為我識功夫，咁工友問我有冇興趣做武師，有錢搵就梗係乜嘢都做啦！咁我就加入佳視做龍虎武師，第一套劇參與就係《射鵰英雄傳》。」
龍哥是武師出身，入行已達40年。(網上圖片）
《使徒3》他在監獄中為李成昌護駕。（《使徒行者3》電視截圖）
同苗僑偉同場有對手戲。（《使徒行者3》電視截圖）
多數角色都是都蝦蝦霸霸。（《使徒行者3》電視截圖）
龍哥一笑，即時戾氣大減，非常仁慈。（受訪者提供)
龍哥表示由於對幕前拍攝工作感有趣，於是轉行演戲，笑言自己天生樣子粗眉大眼，感覺強勢，所以經常演壞人的角色，「好人都有演，我戴番眼鏡就斯文好多，其實乜嘢角色都演，邊個台、邊套劇搵我我都會演，只要有戲做，我唔介意周圍去。我65歲喇，武師已經冇機會做，所以半退休，接吓劇過癮就好。(想演固定、常設角色？) 當然想，但現實啲諗，呢行有句俗語，你有天才都要有後台，你有潛質都要有命水，好多事都係靠天時地利人和，咁多年我都化啦！」
【御用黑社會】鄭家生做武師搏命連墊都唔敢攝 「習慣咗演咁多年都冇好人做」【下一頁】
在網上有不少計祥龍昔日的劇照。（網上圖片)
粗眉大眼，成為壞蛋的特色。（網上圖片)
真係陪住香港人成長！（網上圖片)
原來龍哥都鍾意唱歌。（受訪者提供)
龍哥好親切呀！（受訪者提供)
他說自己演戲生涯中，有兩次戲份比較重，「一套三級電影叫《馬伕手記》，我做男配角，另一部TVB劇集，同陳錦鴻一齊拍，我都係演江湖大佬，不過好多戲份。呢一行有戲份可以發揮，好光榮呀！（出街多人認出？）其實我都係求搵錢，唔求乜嘢大紅大紫，唔想畀人認得。客氣嘅人就話啫，有時細路仔一句『茄哩啡』嗌埋嚟……把口生喺人哋度，但而家已經冇乜嘢所謂喇！睇到化晒，咁多年都係寂寂無聞，有時有人搵我簽名，我反問佢『你知我叫乜嘢名咩？』，其實真係有人認得我，但講唔出名，咁當然我都會簽啦！」大家記住喇，呢位默默喺劇中演好每次角色嘅演員就係計祥龍！
龍哥難忘喺《馬伕手記》擔任男配角。（網上圖片)
現時半退休心態，仍然珍惜每一次演出機會。（受訪者提供)
責任編輯：楊安莉