鄭家生入行41年來，每次有他出場的電影或電視劇都必定是黑幫社團大佬、殺手或者賊人，私下的他卻是不酒不賭的慈父一名，跟兩個兒子關係如朋友一樣。64歲的鄭家生不求名利，只望可以在工作上跟老友敘舊見面過日晨，閒時跟太太拍拖去旅行，享受半退休的生活。
{{hket:inline-image name="SKP04872.jpg"}}{{/hket:inline-image}}
鄭家生在《使徒行者3》中再次演古惑仔。(《晴報》王華婷攝影）
{{hket:inline-image name="SKP04870.jpg"}}{{/hket:inline-image}}
鄭家生笑言主角是苗僑偉，一定要有他們這種年紀相若的黑社會才能夠「撼」。(《晴報》王華婷攝影）
鄭家生外表兇神惡殺，經常被安排演反派角色，而且非常「入屋」，香港人對他非常熟悉。鄭家生小時候在舅父的戲班出身，十二、三歲開始就跟元彪、元寶等著名武打演員一齊成長，他說：「細個聽到有錢搵就去，習武冇話辛唔辛苦，有工開就有錢，所以乜都死練爛練。」家中有九兄弟姊妹，家生排行第四，大家自動自覺出外工作養家，從不埋怨，鄭家生加入龍虎武師和替身的行列，他說：「雖然做龍虎武師感覺好粗聲粗氣，不過我哋好識得尊師重道，以前年紀大嘅前輩同導演，我哋都會好尊敬，唔係好似而家啲後生咁，連招呼都唔會打。做龍虎武師最重要係安全，以前連攝個墊都要暱埋唔好畀人見到。前輩會話：『你咁錫身唔想撈呀？』(受傷？）傷一定有，背脊位好多骨頭都凸晒出嚟，尤其係成龍同洪金寶年代嘅電影，條威也左纏右纏打圈，纏到亂晒再被佢哋動作一踢，反應都嚟唔切就被威也一拉即落地。」
{{hket:inline-image name="T1OzVvB_bv1RCvBVdK.jpg"}}{{/hket:inline-image}}
鄭家生無論古裝還是時裝，都經常演壞人角色。（網上圖片)
{{hket:inline-image name="images.jpg"}}{{/hket:inline-image}}
黑社會專業戶。（網上圖片)
{{hket:inline-image name="5d18-hzxsvnp8269586.jpg"}}{{/hket:inline-image}}
（網上圖片)
{{hket:inline-image name="005NXsS5gw1f96lp1ip0fj30dw07tq3g.jpg"}}{{/hket:inline-image}}
山賊都係佢！（網上圖片)
{{hket:inline-image name="5a1a9820gw1f758w4z4g9j21be0qo7er.jpg"}}{{/hket:inline-image}}
《城寨英雄》中有動作演出。（網上圖片)
鄭家生為爾冬陛、狄龍等人做過替身，後來獲賞識走到幕前演戲，起初壓力非常大，他說：「三句對白畀我，真係會好緊張，我寧願打十幾招，好彩後來慢慢適應到。」入行41年，他自問沒有代表作，他說：「代表作真係諗唔到，電影同電視劇都拍好多，只要劇本拎埋嚟我就演，做好當前個角色就夠。（演極都係反派？）演咗幾十年都習慣喇，冇話厭唔厭，幾十年做過幾百角色，只係黑社會就最經常做。我都想做好人，不過導演同監製全部都唔搵我做好人，一有黑社會角色就諗起鄭家生。」
{{hket:inline-image name="SKP04837.jpg"}}{{/hket:inline-image}}
家生：「我都想做好人呀！」(《晴報》王華婷攝影）
{{hket:inline-image name="SKP04813.jpg"}}{{/hket:inline-image}}
過往做幾十年龍虎武師和替身，鄭家生直言身上的傷都不少。(《晴報》王華婷攝影）
鄭家生以往曾替狄龍、爾冬陛等。（網上圖片)
《破壞之王》中，飾演擂台裁判「奔雷手」。（網上圖片)
這部電影令不少內地朋友熟悉鄭家生。（網上圖片)
{{hket:inline-image name="30516550575a74386c31.jpg"}}{{/hket:inline-image}}
（網上圖片)
在電影蓬勃的年代，鄭家生曾獲邀離開無綫發展，但他稱當時兩個仔仍在求學，加上置業不久，他決定留守無綫龍虎武師、替身和演員三線發展。問到那位演員的動作戲令他最印象深刻，鄭家生不加思索即答：「劉德華，華仔真係犀利，見住佢訓練班出嚟，佢學嘢好快手練得好，記性又好好。」遺憾動作演員的發展在香港已經大不如前，他指以往一邊拍一邊當作訓練，因為長期有武俠片和動作電影開工，現時就算有動作演員的訓練，恐怕一年都未知能夠發揮一次，而且香港滿是高樓，找到武俠片的場地亦不容易。
{{hket:inline-image name="SKP04881.jpg"}}{{/hket:inline-image}}
(《晴報》王華婷攝影）
{{hket:inline-image name="54729187_2015158861916093_5978433148470427648_n.jpg"}}{{/hket:inline-image}}
（鄭家生Facebook）
{{hket:inline-image name="11351458_924264957647547_6591380529167405035_n.jpg"}}{{/hket:inline-image}}
（鄭家生Facebook）
{{hket:inline-image name="977883_422950817803580_989455169_o.jpg"}}{{/hket:inline-image}}
（鄭家生Facebook）
現年64歲的鄭家生在早前劇集《殺手》中的動作場面都親身上陣，功力沒有減退，他說：「而家我都半退休狀態，我唔係十八廿二，仲打會好吃力，上咗年紀體力都變差，劇入面同歐瑞偉對打，打到我嗌救命。而家兩個仔出晒身，我都只係久唔久開工，見吓老朋友，放假就同老婆拍拖去吓旅行。」鄭家生提到家庭一臉幸福，雖然惡形惡相，但私底下卻是愛妻號兼慈父，他說：「個個都愛屋企，我好隨和對兩個仔唔惡，我立場係你讀到書就讀，讀唔到書唔好留喺屋企，我唔讓閒人，你自己去搵嘢做！而家兩個仔都有工作，自己搞掂自己，責任已經唔喺我度。（等湊孫？）咪搞，玩吓就得，我要同我老婆去旅行。」
{{hket:inline-image name="44647498_570901886688953_2908811950815534870_n_600.jpg"}}{{/hket:inline-image}}
《殺手》中，鄭家生和歐瑞偉對打的場面實在太精彩。（歐瑞偉Facebook）
{{hket:inline-image name="46517539_1071143763055595_803626035059884032_o.jpg"}}{{/hket:inline-image}}
鄭家生笑言年紀大，所有動作都只能盡能力做好，不得勉強。（鄭家生Facebook）
{{hket:inline-image name="46463516_1846441218787859_6484267561637642240_o.jpg"}}{{/hket:inline-image}}
鄭家生和歐瑞偉都是武師出身。（鄭家生Facebook）
{{hket:inline-image name="SKP04869.jpg"}}{{/hket:inline-image}}
慈父亦是嚴父，鄭家生放手讓兩子成長，但不會資助他們置業。(《晴報》王華婷攝影）
鄭家生兩個仔分別35歲同31歲，分別做汽車買賣和做生意，感情好但他反對為子女置業，他說：「啲家長買埋樓畀佢哋，又留舊錢畀佢，咁佢咪廢人一個？當年我搏晒命做到嗌救命先有層樓，而家坐喺度等就有層樓？我養大你就自己搞掂啦，唔好諗住有身家畀你，層樓分分鐘將來我賣埋用嚟自己養老仲好。」他認為到了一定的年紀，最重要身體健康，所以每日都會落街跑步，就算疫情都風雨不改，希望可多20年或以上的壽命，盡享福樂。
責任編輯：楊安莉