林國斌（Ben）和方中信亮相無綫訪談節目《諸朋好友》任嘉賓，分享在娛樂圈工作一些難忘畫面及點滴。提到林國斌曾參予與周星馳的電影《破壞之王》演出，被問到為何當年星爺會找他演出時，Ben表示:「其實好簡單，因為星爺同藍潔瑛係好朋友，我嗰時成日同藍潔瑛、吳君如一齊玩，咁講開話有套戲個角色好啱我做，因而有機會同星爺見面，佢一見我就叫我唔好介意，你拉高件衫畀我睇吓，想睇吓我有冇啲肥肉之類。」Ben笑言當時有問星爺點解選中自己:「佢話有個角色叫咩大師兄(斷水流大師兄)，個樣同我一模一樣喎！」被問到同星爺合作感覺如何時，Ben大讚星爺：「佢好叻，但拍戲有佢喺現場，大家都會好靜，個氣氛好嚴肅、好靜，同大家想像中嘅周星馳係好唔一樣。」Ben表示星爺很少即場度橋，他手指住大腦：「佢度嘅嘢喺晒入面，佢拍出嚟嘢唔係偶然，唔係突然無厘頭諗到拍乜就乜，佢根本完全係計好晒。」
【斷水流大師兄】林國斌59歲喜獲龍鳳胎群星到賀 武打黎明曾與梅姐相戀無疾而終 【下一頁】
林國斌憶述當年周星馳找他演《破壞之王》的經過。(圖片:電視截圖)
林國斌難忘與吳孟達和周星馳拍戲的點滴，令他獲益不少。（圖片：網上截圖）
林國斌指星爺絕不無厘頭，他所拍每一個鏡頭事前都花心思諗過度過。（圖片：網上截圖）
在圈中打滾多年，今年已經60歲的Ben從來沒想過要大紅大紫，他視拍戲為工作，加上當年由普通特技演員，可以做到一個演員，後來仲做埋主角，已經感到好滿足亦無悔，他謂：「50歲知天命，記得40歳時都仲有團火，到50歲人化咗，大富由天、小富由勤儉，好多時唔好咁執著，爭到又點？而家睇化咗，個人都放鬆咗。」
林國斌笑言星爺一見他就叫他拉高衫睇Body。(圖片:電視截圖)
(圖片:電視截圖)
回望過去Ben最愧疚是對父母，父親已離世二十年，當年顧着工作很少陪伴父親，母親現在已經90多歲且行動不便要坐輪椅。Ben自言曾對母親做了一件不孝事：「件事係廿年前，嗰時我哋住新界，我嗰晚約咗人去飲嘢，阿媽話坐我順風車出去深水埗，點知兜咗兩個圈都搵唔到佢要去嘅地方，我話趕時間叫佢落車，佢話唔識路，我叫佢問人，後來諗番呢件事，覺得自己好乞人憎，好不孝。而家阿媽叫我載去邊都得，天腳底我都載佢去，呢件事係我對家人嘅一個遺憾。」
方中信稱當年年少輕狂，向所有得罪過的人致歉。（圖片：電視截圖）
至於方中信，佢係最早期返內地拍戲的香港藝人之一，問到是否很多艷遇？方中信坦言：「唔多唔少總有，問題係你敢唔敢啫，我就唔敢嘞，嗰時（單身）我都唔敢呀，我唔係太嚮往呢樣嘢，有手尾架嘛，唔好啦。（如果冇手尾跟？）講吓好，你知唔知咩叫CCTV，去到邊都有閉路電視，我覺得無謂影響自己，畢竟自己都有家庭同小朋友。」他稱自有小朋友後，現最愛是行街巿，不再留戀蒲酒吧。以前後生見羅樂林去九龍城買餸，現在他是羅樂林的接班人，經常出沒九龍城街巿，同賣菜、賣牛肉、豬肉、海鮮的檔主最熟絡。
林國斌指當年只顧工作，忽略對家人的關心和照顧。(圖片:電視截圖)
林國斌指當年掛住去玩，趕阿媽落車，回想起自覺很不孝。(圖片:電視截圖)
撰文：衛紫敏
【梅艷芳前男友】林國斌爆曾兩度令成龍受重傷 認年少輕狂做爸爸後改變性格 【下一頁】