陳凱琳（Grace）和鄭嘉穎結婚後，兩年抱兩，先後誕下Rafael同Yannick兩個寶貝仔，非常可愛。Grace的媽媽陳劉惠嫺（Connie媽）榮升婆婆，對兩粒孫仔愛護有加，近日Connie媽接受影音使團的邀請，接受何志滌牧師和羅乃萱師母的訪問，除了大談信仰經歷之外，亦有談到自己做「P牌婆婆」的感受。
《快問快答》︳陳凱琳拍片搞笑扮老公鄭嘉穎 最不滿自己下巴同牙齒 仲有邊樣？【下一頁】
陳凱琳跟父母的關係非常親密。(東星娛樂）
陳凱琳跟鄭嘉穎由二變四，一家四口非常幸福。(陳凱琳IG）
陳劉惠嫺以古裝扮相接受訪問。（影音使團YouTube截圖）
Connie媽大談信仰歷程。（影音使團YouTube截圖）
Connie媽表示孫仔跟何羅乃萱師母的愛孫出世只差一星期，大家都有保持聯繫，分享湊孫之樂。提到做媽媽和做婆婆的分別，Connie媽說：「好大分別，做媽媽可以任意妄為，有乜嘢事都擔當得起，做婆婆唔簡單，甩條頭髮都要小心啲，關唔關我事先？(做婆婆要更謹慎？）係呀！試過撼親阿仔個頭，都係用口水搓兩搓就算數，但有時抱住孫仔，跣一跣手，我就好緊張，點搞呢？因為要交代呀嘛！」她搞笑表示每天向鏡子說三次，「他是我的孫兒不是兒子……」不斷提醒自己別太神經質。
陳凱琳細佬開IG家姐幫手呃Like 網民一致認同:真係好似印度人【下一頁】
Connie媽見證愛女選美，入行到組織家庭。（影音使團YouTube截圖）
Rafael非常可愛，「奶音」更融化婆婆的心。（影音使團YouTube截圖）
Connie媽笑稱經常找藉口探孫。（影音使團YouTube截圖）
Connie媽直言大孫仔Rafael非常可愛，牙牙學語，「我覺我佢好似蜜糖，你知啦，食完甜嘢隔一陣又想再食，有呢種感覺！我個孫講嘢好似唱歌咁，更加攞命！嗌婆婆同講拜拜都拉長尾音，所以好恨見佢，因為好甜。」她笑稱自己經常找藉口上女兒家探孫，「夾硬買兩件新衫或者新牙刷就送上去！」，又會為孫仔買學習卡，非常愛錫孫仔。
不過她知道自己的教育方式跟這一代有所不同，要絕對認同、作出配合，「父母唔畀佢食太甜同太鹹，我要識做有配合佢哋嘅心，唔好做啲令佢哋擔心嘅事，要放低以前舊有嘅一套，否則小朋友成長就會有兩套觀念同標準。」
(陳凱琳IG）
Connie媽形容1歲的Rafael似足蜜糖一樣甜。(陳凱琳IG）
跟孫仔玩，成為Connie媽的一大樂事。(陳凱琳IG）
責任編輯：楊安莉