99位特派員派送禮物 太古城中心打造快樂聖誕基地

聖誕節就快到，大家諗到節目未？黛安聽公關姊妹講，太古城中心即日起至明年1月3日，安排咗一個「行動代號︰快樂聖誕」主題活動，與99位身手矯健嘅「聖誕禮物特派隊」精英特派員，聯手將商場打造成派禮物和快樂聖誕基地！

特派隊特別開放快樂基地，大家除咗可以喺基地9大互動裝置，試驗眼力、速度同身手外，仲可以製作限量特工紀念幣，認證通過特務訓練㖭。姊妹話，即場訂閱太古城中心電子報同follow IG，就可以即場製作活動限量特工幣，紀念幣一套4款，刻有各位精英特派員派送禮物期間嘅英姿，好特別㗎。

另外，由明日（4日）至27日，只要喺太古城中心單日以電子貨幣消費滿指定金額，並成功登記成為LIVE+會員，或出示LIVE+會員卡，即可參加笑笑口聖誕三重賞，換領獨家聖誕禮物，獎品包括agnés b. DÉLICES迷你蛋糕咖啡套餐、Cityplaza x COVA金磚朱古力禮盒等，等大家可以過一個甜蜜又滿足嘅聖誕節。