香港愛樂盟扶輪社辦競步課程 促進傷健共融

在疫情下，無論健全或視障人士都要強身健體。黛安知道，最近香港愛樂盟扶輪社聯同不倒翁共融運動協會舉辦競走訓練課程，鼓勵參加者同健視領路員互動，促進傷健共融。香港愛樂盟扶輪社社長何迪芝同黛安分享，佢話競步係有400年歷史嘅運動，已發展成為奧運比賽項目，但視障人士參與競步喺香港屬首次。

今次課程名為「競步人生訓練計劃」，由今個月7日至下個月12日，為15名視障人士提供6節訓練，由香港業餘田徑總會二級專項教練楊文駿教練執教，並有22位分別來自愛樂盟及不倒翁嘅領路員提供協助。有學員上完堂後同黛安講，競步訓練令佢哋對運動嘅興趣大增，活動真係好有意義。