麥當勞地獄脆辣雞腿包 用韓國勁辣醬挑戰味蕾

麥當勞公關姊妹又有好介紹，今日起「脆辣雞腿包系列」將會回歸，佢哋仲推出咗全新期間限定「地獄脆辣雞腿包」，喺原有嘅激辣雞髀肉上，澆上韓國著名食品品牌不倒翁OTTOGI勁辣醬，話明要辣上加辣，鍾意食辣嘅粉絲一定要去試下。

黛安收到風，佢哋仲準備咗甜、酸口味食品，以增加層次口感，包括配搭咗清新醒胃嘅原片菠蘿及爽脆生菜絲嘅「菠蘿脆辣雞腿包」，口感清新醒胃；仲有微酸帶辣嘅「韓式泡菜調味粉」Shake Shake薯條，同埋採用韓國柚子糖漿加入菠蘿製成嘅「大大杯菠蘿柚子梳打」。

即日起至29日，憑麥當勞App內嘅尊屬優惠券選購以上超值套餐，仲可享減$5優惠；如果想更抵，就要用戶戶送Deliveroo嗌脆辣雞腿包系列，無論單點定套餐，都有獨家5折優惠㖭！