【人命關天】滿街死車難泊婆婆呼吸困難待救 救護員停車擋路遭司機爆粗喝罵

救護員爭分奪秒救人，路面駕駛者好應體諒及讓路。一名救護員在網上發帖，指日前九龍東一間老人院有婆婆呼吸困難，同僚趕到現場後卻發現有很多「死車」泊在馬路兩旁，因而被迫將車停在路中心，火速上樓救人；未料推婆婆落樓上救護車時，卻遭一眾被擋路的司機爆粗喝罵。對此，救護員不禁反問：「讓一讓救護車真係咁難？」

該名任職救護員的網民上周四（5日）向Facebook專頁「公務員secrets」投稿，指3名同僚日前趕到涉事老人院，欲將一名嚴重呼吸困難的婆婆送院救治。然而，該處附近卻有多間車房，

「成條街左邊同右邊都泊晒死車。成條行車路得返嘅空間，只係僅僅夠一架救護車，用好慢嘅速度先可以前進。」

8號風球市民照出海玩水，救護員：每次睇新聞都會嬲到震，詳情即睇：【下一頁】

由於救護車一定要泊在距離事發地點最近的停車處，迫於無奈下，「所以最後救護車Block（阻擋）住咗條路，同埋通知咗警察有咁嘅情況。」未料，正當3名救護員準備上老人院救人時，附近車房的員工及的士司機竟然開始對他們大聲喝罵，

「搞X錯呀！泊架車喺度阻住晒成條路，唔使人行呀？泊出去前面街口咪得囉阻X住晒！」

救護員聽後未有理會，快速上樓為婆婆進行檢查；但落樓將婆婆送上救護車時，救護車車後已有「車龍」，有3至4架私家車被擋路。當一眾司機看到救護員落樓後，便連同附近車房員工一起對救護員大聲爆粗呼喝，「有冇搞錯啊，3個人一齊上晒去，條路你哋行晒呀？頂住晒條路！」直至見到在擔架床上的婆婆面色蒼白兼聞着氧氣，他們才肯收口作罷。

對於此事，救護員希望大家可以將心比己，如果是家人、朋友或最關心的人有生命危險，「你仲希唔希望3兄弟將架救護車泊到去老連咁遠嘅街口？」最後他又指出「冇人會想阻住條路，冇人會想阻住人發達」，如果可以當然是希望天下太平、「少啲人叫救護車」，

「但救護員嘅存在，係為有需要嘅傷病者治療。救人嘅嘢，一秒就一秒，如果因為你哋一時方便，令傷病者延誤送院，錯過治療嘅黃金時間，你過唔過意得去？」

此事引來網民熱議，不少人留言支持救護員，「感謝救護員，呢個世界係好多野蠻又無理嘅人」、「感謝救護員救傷扶危的精神，知道你哋受咗委屈」、「冇嘢緊要得過救人，唔需要理會嗰啲冇人品缺口德嘅自私精」、「本身就違例泊車，做乜講到理所當然咁？無被抄牌唔代表啱，做醫護真心好攰」、「救人一命，日行一善，必有好報」。

【險成大錯】會所泳客遇溺無呼吸脈搏，保安怕驚動住客帶救護員走後門，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴