新城市廣場Kissmas In Town 設倫敦風聖誕告白場景

下個月就到聖誕節喇，黛安收到風，新城市廣場會參照倫敦柯芬園，打造千呎英倫告白聖地，以「Kissmas In Town」為主題，設計5大告白場景，包括「Love Flowers」花海、「戀熊物語」聖誕樹等，等大家可以Selfie感受歐洲嘅聖誕氣息！

新城市廣場又同漫郵服務藝術郵局「時光漫郵Postmoment」合作，推出慈善「時光郵箱」。客人出示曾捐款畀「生命小戰士會」嘅證明，就可以獲得明信片乙張，享用1年或10年漫郵服務，為癌症病童籌款打氣。

聖誕節唔少得Shopping，今年新城市廣場Just Buy Weeks推買一送一及半價優惠，部分產品低至2折！即日消費滿$300可參加抽獎，獎品總額過百萬，包括Apple Watch Series 6、Apple iPhone 11 Pro及Dyson吸塵機等。由即日起至12月6日消費滿指定金額，更可享高達20%回贈，可換領$1,600現金禮券組合㗎。