新世界舉辦網上皇都戲院研討會 細說北角歷史

新世界剛以巨額成功投得一級歷史建築物北角皇都戲院，黛安知道佢哋希望港人更認識戲院同北角嘅歷史，特別喺今日（27號）舉辦首場網上研討會「北角的發展與香港流行文化」，仲請來重量級嘉賓同大家講解，千祈唔好錯過啊！

聽公關姊妹講，新世界執行副主席兼行政總裁鄭志剛成立嘅非牟利機構Culture for Tomorrow，將舉辦《再說皇都》網上研討會，邀請唔同範疇專家，細說北角呢個曾有「小上海」之稱嘅社區，過去種種軼事。今次仲特別請來香港歷史叢書作者兼「香港舊照片」facebook專頁創辦人余震宇（Jacky）、同嶺大中文系講師蕭欣浩博士同大家講解，Jacky會透過一幀幀珍貴嘅老照片，帶大家重溫50、60年代北角嘅時尚繁華。【按此】網上登記