香港素食嘉年華綫上啟動 探尋健康減碳永續之路

素食健康又有助地球減碳，黛安收到風，香港素食嘉年華喺今個星期六（24日）至下周一（26日）舉行，今次仲會首度以綫上形式進行，以「蔬食文化共融、全球永續之路」為主題，邀請超過50個本地、內地及海外素食單位介紹特色活動，包括新式純素產品、烹飪示範同醫生講座等，非常精采呀！

今次活動仲特別請來「音樂農莊」創辦人區瑞強現身，佢會用歌聲宣揚綠色生活文化。大家記得登入官網【按此】瀏覽欣賞節目啦！另外，適逢亞洲素食展暨樂活博覽2020將喺今個星期五至日（23至25日）舉行，素食嘉年華屆時都會喺博覽會提供世界各地純素產品，黛安都會通知好姊妹去掃貨。