菓汁先生出限定版新裝 16款造型搞鬼又得意

3隻盞鬼可愛嘅Minions「佔領」過唔少商品，公關姊妹同黛安講，最近Mr. Juicy菓汁先生就夥拍Minions聯「萌」，推出一系列限定搞鬼嘅新包裝，3隻Minions會隨着樽裝嘅容量大細，變化出高矮肥瘦唔同版本，總共有16款造型。

除咗平時飲開嘅橙汁、蘋果汁、雜果賓治等，姊妹話今次仲有提子汁，想集齊多款Minions，可以換下唔同口味。此外，即日起至11月19日，凡購買任何Minions果汁系列產品，利用「分分有禮‧滴滴賞」手機應用程式掃描樽蓋上嘅QR Code，就可賺積分兼抽獎，頭獎更可獲récolte迷你兵團三文治機（價值$549）㗎！詳情可瀏覽Mr. Juicy菓汁先生Fb專頁。