1011SIPTEA登陸新城市廣場 設Snoopy太空漫遊打卡點

黛安近日去新城市廣場行街，發現人氣台式茶飲店「1011SIPTEA」已進駐商場，仲聯乘NASA太空總署吉祥物Snoopy，喺新店內打造4大太空漫遊打卡點，仲加推沙田店限定精品同小食㖭，包括Snoopy黑蓋雙層玻璃杯、每日限量30份嘅Snoopy造型牛奶布甸等，全部都好精緻吸引啊！

聽公關姊妹講，「1011SIPTEA」主打多款秘調芝士奶蓋、珍珠鮮奶和果茶，特別選用有機優質天然食材同台灣本土茶葉，飲落好療癒，今次仲有限定產品，極具收藏價值，只要喺店內購買1杯飲品，就可以加購1款聯乘產品。而一系列熱賣精品都會再度復刻發售，包括可愛實用嘅Snoopy迷你飲水機、型格全黑Snoopy 3D造型杯等等，全部數量有限，賣完就無㗎喇，Snoopy粉絲們要把握機會入貨呀。

另外，The Point by SHKP會員只要喺場內消費滿指定金額和會員積分，就可以換購1011 SIPTEA x Snoopy精品，仲有額外獲茶飲折扣優惠。大家快啲去歎番杯茶啦！