【尹志強離世仍硬淨照開工】米雪被雪梨蘋果爆係惡家姐好保守 十年前先獻出熒幕初吻？

米雪、雪梨和蘋果三姊妹接受香港電台節目《一起走過》訪問，主持楊紹鴻稱跟三位都合作過，大讚三姊妹共通點，為慈善總是不為餘力。米雪、雪梨和蘋果三位先後踏足娛樂圈，米雪一直發展順利，她表示由細到大都充滿表演慾，所以媽媽帶她去報名藝員訓練班。蘋果當年跟妹妹雪梨考入藝員訓練班，沒想到雪梨火速接拍電影而離開，而蘋果因自己個性問題，最終不達標被淘汰。蘋果說：「我哋係參加第九期訓練班，同譚玉瑛、苗僑偉、黃日華係同學，佢哋返日班，我日頭要讀書，夜晚先上堂。後來考試不達標被踢出嚟，我都會唔開心同唔捨得，因為本身都想試試。後來家姐好好成績，所以我特別驚，壓力好大，但我真係唔係呢個料子，我比較內向，唔可以企喺人哋面前表演，反而後來喺藝進同學會學做幕後工作，更適合我。」

【一門三傑】米雪 雪梨偕胞妹行山 三姊妹難得同框合照 七妹「蘋果」曾讀藝訓班無入行【下一頁】

{{hket:inline-image name="BBA.jpg"}}{{/hket:inline-image}}

(圖片：香港電台Facebook影片截圖)

{{hket:inline-image name="MEAA.jpg"}}{{/hket:inline-image}}

(圖片：香港電台Facebook影片截圖)

提到三人的藝名，米雪表示：「當年多數都用藝名，導演叫我揀，米蘭、米雪同米妮。咁見到我皮膚黑，話要叫番白我，米又白、雪又白，所以叫米雪。蘋果同雪梨係阿媽改，蘋果出世時塊面紅卜卜，所以叫蘋果。」雪梨笑稱自己凌晨出世，「執媽」接生時發現時面色青BB，於是叫做雪梨，她說︰「後來有導演叫我改名叫小雪，我唔鍾意，所以叫番雪梨。」

米雪跟楊紹鴻由電視劇《蘇乞兒》開始合作，亦是畢生難忘的一次，米雪說：「當日1號風球，我哋去龍鼓灘拍攝，劇情講我送別發哥（周潤發），咁佢坐船走，我目送佢遠去，後來我仲問邊個接番發哥 ; 當時未有手提電話，原來拍拍吓已經3號風球，無論佢點划，佢都順住風去，冇人救到佢！」在離島長大的發哥靈機一觸，即時將「食風」的物品掉落海，仍難阻風，最終失去蹤影，米雪立即呼叫劇組報警。楊紹鴻憶及，當時發哥飄去馬灣，被大陸漁船救起，最終由警車接返香港，楊紹鴻說：「佢一落車，口唇震晒，真係好驚，因為真係會死呀嘛！當時發哥指住導演：『我告你謀殺！』」

【盡責家姐】雪梨17歲未婚產子教仔有一「套」 米雪闖徐少強酒店房「救」細妹【下一頁】

{{hket:inline-image name="KAHSND.jpg"}}{{/hket:inline-image}}

(圖片：香港電台Facebook影片截圖)

{{hket:inline-image name="000011484702_1579104659.jpg"}}{{/hket:inline-image}}

《蘇乞兒》米雪難忘跟發哥拍戲的一幕。(圖片：網上圖片)

{{hket:inline-image name="MI.jpg"}}{{/hket:inline-image}}

楊紹鴻跟米雪老友鬼鬼。(圖片：香港電台Facebook影片截圖)

{{hket:inline-image name="MI2.jpg"}}{{/hket:inline-image}}

(圖片：香港電台Facebook影片截圖)

江美儀大爆米雪的熒幕初吻原來是拍攝《女人最痛》時，跟林嘉華的一吻，主持人都不太相信，米雪解釋以往都是拍古裝和武打片，很多時只是借位，就算跟劉松仁多次演情侶，全部都是借位，沒有獻出初吻，連雪梨都笑家姐保守。江美儀亦大讚米雪專業，記得她們拍攝《女》時，米雪的男朋友尹志強離世，但她只告了兩日假就復工。米雪表示：「兩日搞掂晒就埋番位，要發生嘅事已經發生咗，其實每個人屋企都會有事，人人請假就開唔到工，而且有啲同事要飛去登台，我唔想阻人咪照開工。」

{{hket:inline-image name="800_4723a3ad1e71a53b61d82a20642e0fe6.jpg"}}{{/hket:inline-image}}

米雪面對尹志強離開，仍堅強繼續拍劇。(圖片：東星娛樂)

雪梨直指米雪是惡家姐，連媽媽都照鬧，經常指斥她吸煙影響健康，問到她心目中的家姐，她說：「惡死睖瞪，保守到不得了，只要著得低胸少少，佢就會話：『唔該你著番件面衫』，就算依家都係咁！」而蘋果大讚這位家姐代替了父母去愛錫9兄弟姊妹，指米雪一直有心願，希望在新界買一棟村屋，將姓嚴的都住在一起，米雪笑言：「可惜冇人肯同我住，慘，我好似校長咁。」

{{hket:inline-image name="82485024_734852000596556_3961873755203949212_n.jpg"}}{{/hket:inline-image}}

(圖片：米雪IG）

{{hket:inline-image name="106367168_262289571732495_463339649797289149_n.jpg"}}{{/hket:inline-image}}

(圖片：米雪IG）

責任編輯：楊安莉