【網購小心】網購蛋糕中伏貨不對辦「甩皮甩骨」 盛惠$1000店主解釋難接受失蹤避責

網上購物陷阱多，宜小心選擇！一名港女日前幫朋友從Instagram網店，買來一個價值$1,000元的蛋糕，慶祝對方媽媽生日。但在收貨當日，店主到了約定時間才稱自己太忙無法行開，改為召車送貨，令事主白白等了超過半小時。到收貨後，事主驚見蛋糕嚴重貨不對辦，甚至呈現「甩皮甩骨」狀態，因而大失所望；經溝通後，店主的解釋更是令人難以接受，最後竟然索性關店「玩失蹤」。

該名港女昨日（15日）在Facebook發帖，公開網購蛋糕「中伏」經歷。她表示，友人媽媽即將生日，於是她協助對方從網店訂購蛋糕，「朋友仔嘅媽媽生日，為咗氹媽媽開心，於是一早準備，搵咗好耐、揀咗好多間IG蛋糕Shop，打算訂個靚靚蛋糕令Auntie開開心心過生日。」

然而，事主從一間IG網店訂購蛋糕後，單是約交收時間已經十分麻煩，「約好咗14號2點灣仔地鐵站等，點知（店主）話臨時有事要做，問我夜晚交收得唔得？我話唔得，之後搞咗一輪，又同我講可以3點灣仔地鐵站交收。」於是，事主周三（14日）下午2時50趕到灣仔港鐵站後，店主又傳短訊稱：「我陣間Call車畀你，因為我仲有好多個蛋糕未整。」

{{hket:inline-image name="cake161020203.jpg"}}{{/hket:inline-image}}

事主發現蛋糕嚴重貨不對辦。（網上圖片）

事主對此感到匪夷所思，等待30多分鐘後，司機終抵步將蛋糕送到她手上。然而，該個千元蛋糕卻嚴重貨不對辦，「嘩，等得個蛋糕咁辛苦，竟然係咁嘅樣？$1,000蚊買啲甩皮甩骨嘅蛋糕……啲Cream又搽得唔平均，見到入面嘅蛋糕，啲花又霉霉哋。」而且，該個蛋糕更只是一個普通海綿蛋糕，裡面只有數粒生果。

「咁嘅蛋糕我都識整啦，用電飯煲整兩大嚿蛋糕，加幾嚿水果，我係咪可以賣成$1,000蚊？$1,000蚊買BB整嘅蛋糕，真係笑大人哋個口！」

於是她與店主溝通，未料對方竟然夠膽再傳來一張該個蛋糕的照片，聲稱「出門口係咁」，完全不覺得蛋糕有問題；店主甚至將責任推卸給司機，令事主不禁驚呼：

「朋友&Auntie都非常失望……店主回覆嘅態度好不負責任！原本可以開開心心咁過生日，點知搞到一肚火。」

{{hket:inline-image name="cake1610202012.jpg"}}{{/hket:inline-image}}

有網民發現，店主的作品原圖來自淘寶。（網上圖片）

有網民將店主的經歷分享至其他Facebook群組，指出該個蛋糕上的花應該並非「食用花」，「插落啲蛋糕度想食壞人咩？ 訂蛋糕真係要小心啲！睇完都怕怕。喺五星級酒店買個蛋糕都係$500有找，有水準仲唔會受氣。」此外，亦有網民表示自己也曾光顧涉事網店，結果「中伏」收場。

另有網民發現，原來該間網店的「作品」圖片，竟然是來自網上購物平台淘寶網，不禁大呼：「偷圖呃人！」目前，涉事網店的IG帳戶已經消失，相信事主及其他苦主難以追究相關責住。

每朝索取《晴報》：精明生活．健康家庭．開心娛樂

責任編輯：李凱晴