港大學生赴緬甸仰光考察 參與設計供水系統

香港資源富有，黛安聽公關姊妹講，20名港大生喺今年1月參加由土木工程系主辦嘅體驗式學習活動Horizons Mingde，對緬甸仰光市嘅供水情況進行為期3星期嘅研究考察。其中修讀社會科學嘅學生Fiona話，生活喺香港實在好難想像食水喺當地係一種奢侈品。

學生喺行程中仲參與咗一項供水設施計劃，設計一套可持續供水系統，以幫助約80名學生有乾淨水源飲用。行程結束後，15名學生再喺暑假期間設計咗一套供水系統，以一口140米深嘅水井作為新水源，令當地居民可由地底深層含水層中抽取地下水，結果亦獲當地非牟利機構接納，並由港大Horizons Mingde捐款資助建設，預計今年底前完成，日後居民就可以有乾淨水飲用喇！