藝人林子善一向孝順,他接受《我要做業主》節目訪問時表示,自己跟所有年輕人一樣,初投身社會時對於買樓的事想都不敢想,他表示16歲入行拍《喜劇之王》時,日薪只有300多元,他笑言:「當時唔識得守財,爸爸媽媽信佛,佢成日覺得多做好事,上天就會畀條好路你行,所以不用儲蓄。」子善稱爸爸以前開大排檔,但由於「佛系」生意,窮人或者經濟不太好的客人都會打折,所以一直只是收支平衡而未能賺大錢。子善稱父母是好人,但父母在理財方面是反面教材。
【陳琪18年的終極告白】胡諾言封大利是賀爸爸70歲大壽 超強基因全家福出現4個胡仔?【下一頁】
(圖片:《我要做業主》電視截圖)
(圖片:《我要做業主》電視截圖)
子善十幾年前曾經跟哥哥合資買樓,一家四口由屋邨搬到私樓,可惜遇上經濟低迷,他說:「當時電影市道好差,冇戲拍,得我爸同我哥供樓,父母大愛嘛,生意唔好收入就插水,真係黑過泥。層樓就賤格劈賣,轉手給英國返嚟嘅Uncle,人哋隔咗幾年又轉手賺到錢返英國。」雖然失去物業,但一家四口繼續租樓咬緊牙關過生活。
(圖片:《我要做業主》電視截圖)
子善稱後來加入TVB後,工作收入總算有改善,沒想到媽媽又為他置業,先斬後奏為他付了律師費,他說:「我鬧咗佢半個鐘,癡線,我啱啱先開始,都未有穩定收入,後來佢話3年後先開始供嘅。」子善被迫使3年內不斷工作儲錢,不過他認為這個方法是可行的,最終成功置業。直至6、7年前,子善再次助哥哥上車,他說:「呢單新聞就要澄清,寫到林子善幫阿哥借錢畀首期,但其實件事唔係咁神嘅。當時佢想借10萬蚊畀首期買東涌一個單位,經紀問點解唔搵細佬入多張票抽,點知唔中我阿哥,就中咗我,我就大鑊喇!將所有積蓄推出去,先啱啱過到壓力測試。」幸好最終單位過幾年後放出,賺到不錯的利潤。
【我要做業主】鄭世豪感激貼地太太陪住一齊捱 「廢柴老公」現實係一家之主話晒事【下一頁】
(圖片:《我要做業主》電視截圖)
(圖片:林子善IG)
(圖片:林子善IG)
子善稱年輕人要儲首期,首先要肯捱,先找離市區比較遠和比較細的地方租住,努力儲錢後開始置業買細單位,再慢慢換較大的單位。他表示:「如果你投資自住單位,不擔心樓價跌市,我無論買樓或者賣樓,從來都唔係考慮賺唔賺錢,我個心只係阿爸阿媽住得舒服,幫到阿哥手,就算我依家自住嗰度,都係寫我老婆名,賺唔賺錢都係其次,最重要係開心。」
子善2017年10月跟拍拖6年的圈外女友董佩欣(Kary)結婚,翌年補辦喜酒,女兒2019年12月出世,乳名小乖乖,子善由愛妻號再加上「暖男爸爸」的稱號,事關就算工作多忙,他都會盡量抽時間陪伴太太和女兒,經常拍攝女兒成長的點滴,早前他在公司活動上見到公司推出的港姐嬰兒套裝,非常可愛,沒想到他抽到獎竟然喜極而泣,這位爸爸認真感性。
(圖片:林子善太太IG )
(圖片:林子善 IG)
責任編輯:楊安莉