7-11應節卡通精品 新奇有趣過中秋

好快就到中秋節，雖然喺限聚令下今年未必可以同親友一齊聚餐過節，但黛安都準備緊應節食品同禮物，諗住送畀親朋好友表達心意。

聽公關姊妹講，7-Eleven已為大家準備咗唔少應節卡通精品，包括Sanrio DIY月餅燈盒、卡通彈弓投射燈籠、Tsum Tsum雙層玻璃杯、角落小夥伴發光匙扣等等，每款設計都新奇又有趣。好似Sanrio紅豆月餅連DIY燈盒，每個只售$42，仲有Pochacco、Hello Kitty同Little Twin Stars畀你揀，入面有齊DIY配件同LED串串燈，可以同屋企人一齊自製燈籠，就算要留家抗疫，足不出戶都可以感受到中秋氣氛。