【鬼同妳上位】林鈺洧被亡靈睇中「人鬼情未了」 逃離現場失控大叫大喊事後斷片

ViuTV節目《鬼同妳上位》尋晚首播，節目為靈探比賽真人騷，8名女參賽者希望透過比賽突圍而出，令觀眾留下深刻印象。參賽者於節目中比賽「犯禁」，如邊聽自殺禁歌邊落妝、在不認識的墓前與先人對話及單獨入鬼屋等。比賽既無獎金，亦無獎品，女生們志在爭取更多出鏡機會，而最後夠大膽留低嘅則會成為冠軍。

{{hket:inline-image name="D.jpg"}}{{/hket:inline-image}}

林鈺洧（Denice）與陳綺雯（Aki）尋晚齊齊勇闖猛鬼之地。Denice開始前已面有難色，甫入鬼屋，Denice緊張得閉眼迴避，又開始口齒不清，指「自己成隻腳軟晒」，後來佢更疑似見到靈體突然大喊並尖叫「後面有個男人企喺度」；旁邊的Aki則非常冷靜，沿路安慰Denice。Denice走出鬼屋後隨即爆喊，並憶述當時經過。不過最恐怖嘅係Denice事後表示, 完全唔知道自己講過「後面有個男人企喺度」呢句說話。

{{hket:inline-image name="1.jpg"}}{{/hket:inline-image}}

聽晚播出嘅一集，Denice會同陳麗柔（柔柔）勇闖已故武打巨星故居，七仙羽師傅指屋主好喜歡Denice，要求佢同屋主「人鬼情未了」，師傅對Denice講「你要上位，佢（屋主）要上身」。起初Denice有啲抗拒，最後喺七仙羽師傅引導下，Denice於屋內張開雙手同屋主隔空講話。

{{hket:inline-image name="Denice.jpg"}}{{/hket:inline-image}}

Denice獨自留喺暗房，主持保錡及火火於屋外問佢感覺如何，但只見佢雙手掩面，全身僵硬，七仙羽師傅感到Denice已出事，迅速跑入屋救人，Denice突然衝出房間，在眾人面前失控大叫大喊，要師傅出手安撫Denice。

{{hket:inline-image name="57.jpg"}}{{/hket:inline-image}}

{{hket:inline-image name="54.jpg"}}{{/hket:inline-image}}

{{hket:inline-image name="6.jpg"}}{{/hket:inline-image}}

Denice坦言一向對靈異、鬼怪的事十分畏懼，拍攝時「驚到震」，因為佢不嬲都對「靈異嘢」好敏感：「係我最驚嘅一樣嘢，我時不時就會撞到，雖然冇實體接觸到，但感覺到，而我個人又比較驚青，疑神疑鬼，所以個腦成日自己同自己決鬥，見到時會問自己係真？唔係真？接呢個騷都係以呢個心態，想親身去探究，同靈異接觸，但試咗之後真係好驚，我喺驚到暈咗，拍完即刻搵師傅幫我睇，佢話我屋企成屋都係鬼。」不過Denice就話依家師傅已經幫佢「清理」咗。

撰文：黃蘊姿