【新冠肺炎】疫下唔敢去街市入貨？ 買餸平台幫你解決1日3餐（5大平台一文睇清）

近排疫情雖然緩和，但係專家都呼籲大眾切勿掉以輕心，尤其街市等高危地方更應可免則免前往。不過，屋企要日日開餐，除了叫外賣，有無諗過買餸都可以搵人代勞？近來市面愈來愈多「買餸平台」，即使安坐家中都可以落Order，㩒幾個掣就可以買齊蔬菜、肉類同海鮮，部分餸菜定價隨時平過街市！本網整合5個買餸平台，每個平台都各有特色，等你可以在家輕輕鬆鬆煮飯仔。

1. 隨時平過街市 「買餸易」連杜小喬男友都有份？

{{hket:inline-image name="sksinn20200825107.jpg"}}{{/hket:inline-image}}

「買餸易」由４名大男孩成立，藝人譚永浩（右一）都是老闆之一。（冼偉倫攝）

成立僅約1個月的「買餸易」，集齊多個凍肉牌子，單是和牛都有14款選擇，最平只售$75；另有多款水果、新鮮蔬菜，甚至蟶子王、加拿大珍寶蟹、澳洲龍蝦等海鮮，種類多元化。每晚9點半前落單，翌日傍晚6點前就會送到，連「娘娘」杜小喬男友、藝人譚永浩都是老闆之一。負責人關先生說，家族從事凍肉生意多年，具有龐大網絡，可直接向供應商取貨，不像門市要設上架費，所以定價隨時平過街市！

2. $58買齊魚菜肉 中午1點前落單即日送到

{{hket:inline-image name="sksinn20200826113.jpg"}}{{/hket:inline-image}}

主打蔬菜、水果及海鮮的「餸送」，貨品同樣齊全，更提供不少優惠，除了定期推出「$1半斤菜」等優惠外，亦設有4個特別優惠套餐，例如精選抗疫餸菜2人套餐，包含半斤精選蔬菜、1磅豬扒或急凍雞中翼，以及1條新鮮魚，只售$58，平過茶餐廳一客晚餐，絕對抵過出街食。而且送貨爽手，只要每日下午1點前落單更可即日送貨，買滿$350可免費送貨，在家坐定定就可以輕鬆煮飯仔。

3. 買餸同時做善事 餸菜包附食譜最啱新手

{{hket:inline-image name="unnamed.jpg"}}{{/hket:inline-image}}

荷葉蟲草花蒸雞餸菜包已備有所有材料。（4人份量）

新手入廚往往遇到好多困難，落街買餸可能多甩漏又狼狽。社企「好餸」除了提供單一食材選購，亦有提供如薑、蔥、蒜、乾蔥等「起鑊四寶」，一包過切好僅售$18；另有陳皮燕麥蒸肉餅、南瓜蒸排骨、猴頭菇木耳豬骨湯等家庭式餸菜包，每包平均售$48起，每set食材只要簡單蒸煮便食得，兼附送食譜及影片教學，方便入廚新手煮食。另外，平台上亦有「買好餸幫基層」的待用餸菜可供購買，買餸之餘亦可做善事，可謂一舉兩得。

4. 打邊爐BBQ懶人包 平料貴料一Click買齊

{{hket:inline-image name="12.JPG"}}{{/hket:inline-image}}

4人限聚令仍在，想約多幾個老友打邊爐、BBQ都要留在家進行，「Fresh To Go上網買餸」便提供打邊爐及BBQ「懶人包」，網站上的貨品分類清晰，一點即可選購多款肉類、蔬菜、丸類，價錢豐儉由人，由$38的新鮮菜，到$990的加拿大象拔蚌、$680原條東星石斑起片都有；另外連一人涮涮煱套裝、不銹鋼火鍋篩都可提供或租用，一Click便可買齊火鍋配料或燒烤食材，安坐家中即可「等餸到」。每日上午11am前落單，即日下午即可送到，即興想打邊爐或者BBQ亦無難度。

5. 大排檔風味帶回家 $66製避風塘炒鮮魷

{{hket:inline-image name="342fa5e4ca56477e99a58054e36f25e5-1312x1417.png"}}{{/hket:inline-image}}

作為一家之「煮」，每日要想好三餸一湯都唔容易，買完餸若有教學就更方便。「餸上門」同樣提供餸菜包服務，菜式更多元化，而且全部材料均已洗好切好醃好，只需簡單幾個步驟，餸菜便可上枱，相當方便，價錢亦好抵；例如避風塘炒鮮魷只售$66，餸菜包內有鮮魷、乾蒜、乾辣椒、指天椒、蔥粒等多種材料，在家也可輕鬆煮出大牌檔風味；另外，還有宮保雞丁、螞蟻上樹等菜式，每包平均售$48，日日都可做廚神啦。

撰文：石嘉盈
責任編輯：梁偉澄