多啦A夢漫畫時光周年企劃」 限定店登陸希慎廣場

「人人期望可達到，我的快樂比天高」，大家對呢首歌應該好熟悉。唔經唔覺多啦A夢已經面世50周年，為咗慶祝呢個大日子，黛安知道由即日起至下個星期二（15日），喺銅鑼灣希慎廣場有「多啦A夢漫畫時光周年企劃」，帶來亞洲首站嘅50周年企劃期間限定店同主題小食外賣店，去打卡影相一流呀。

今次嘅期間限定店，提供多款以漫畫時光為主題嘅小食同飲品，利舞台廣場地下正門仲有拍攝區㖭。另外，亦會舉辦工作坊同發售主題精品，包括主打亞洲首發限量1,000枚、手持50周年漫畫書嘅多啦A夢觸控燈、限量150枚嘅原木板畫；仲有多款首次推出嘅漫畫經典角色毛絨公仔、漫畫時光主題限定家品系列等。不過，因應防疫要求，期間限定店會實施人流限制，只限網上預約進場。瀏覽詳情【請按】