屈臣氏25折換購Doraemon精品 得意又實用

唔少人都鍾意《多啦A夢》漫畫，黛安收到風，屈臣氏將獨家推出「Doraemon隨意換樂系列」限定精品，以多啦A夢同多啦美兩兄妹做主題，設計精美又實用。

即日起易賞錢會員喺屈臣氏電子商店及Tap & Shop點購站，買指定產品滿$288，即可以低至25折換購4款精品，包括百寶手挽袋、行李帶連旅行袋、4件裝縮小收納袋同25吋隨意行李箱。屈臣氏全綫分店喺下周五（11日）至11月30日，與電子商店同步推出優惠，數量有限，換完即止㗎。

另外，人氣男團Mirror成員Anson Kong（江熚生）、Error成員肥仔（梁業），今日下午1時將登陸屈臣氏fb，同大家直播開箱一齊睇Doraemon精品，大家記得留意喇。