小王子珍藏版八達通 將於Circle K便利店發售

黛安有個好姊妹非常鍾意《小王子》呢部經典文學作品，最近收到風，八達通會推出「Le Petit Prince小王子珍藏版成人八達通」，已經諗定要買嚟送畀好姊妹。呢張卡以小王子同好友狐狸企喺B-612星球上，望住朵玫瑰花嘅經典場面做設計；而卡面仲有小王子星球以外嘅星空，其中一粒星星採用咗LED燈，只要將八達通拍落讀寫器時，星星就會發光！

如果想買小王子八達通卡要留意喇，9月17日上午7時起，全綫Circle K便利店就會公開發售，每張售$128。每張卡分別印上由0001至8000的發卡序號，獨一無二啊。