【鬼節講鬼故】黃建東半夜3點搭𨋢撞鬼？ 尖叫搵保安救命 結局得啖笑

尋晚係農曆7月14日，亦係盂蘭節、鬼節，相傳呢日鬼門關大開，嚟自陰間嘅鬼魂會重返人間，陰氣最盛。由於成個7月都有唔少鬼魂喺人間遊走，有傳人喺呢個時候, 如果時運低就容易撞鬼。近日唔少藝人分享疑似靈異故事，黃建東都唔例外，佢喺社交平台撰長文講述當年嘅親身經歷，佢指：「一直未同人講過。」

(黃建東instagram圖片)

{{hket:inline-image name="12.jpg"}}{{/hket:inline-image}}

(黃建東instagram截圖)

事緣黃建東有日拍完劇，凌晨3點幾先返到屋企。去到屋苑大堂，黃建東喺等待升降機落到地面嘅期間，習慣望住出面嘅閉路電視畫面，睇吓升降機裡面嘅情況，喺畫面中，佢見到有個男人企喺角落。升降機落到地面，𨋢門打開，黃建東行開一邊，諗住等男人出嚟，佢再行入去，點知令人心寒嘅一幕就出現咗，嚇到佢講粗口：「冇人行出嚟，我嗰刻呆咗，再望番閉路電視畫面，那個男人仍然企喺角落裏，再望望面前架空𨋢，Fxxk!」

黃建東強調自己好攰，但頭腦依然好清醒，望到呢個畫面，令佢諗起靈異電影，甚至聯想到曾經轟動一時嘅兇案：「呢一刻個大堂一個人都冇，我腦裡面出現晒《見鬼》、《鬼眼》、『藍可兒事件』等畫面，我點會敢入𨋢？行樓梯返屋企？咪玩啦，我住高層而後樓梯一隻窗都冇，到時候行到中段出咗事唔上唔落，叫天不應，叫地不聞咪仲恐怖！」

▼《鬼眼》中李心潔喺升降機撞鬼一幕，同黃建東見到嘅畫面相反

{{hket:inline-image name="14.jpg"}}{{/hket:inline-image}}

(《鬼眼》電影截圖)

{{hket:inline-image name="15.jpg"}}{{/hket:inline-image}}

(《鬼眼》電影截圖)

{{hket:inline-image name="16.jpg"}}{{/hket:inline-image}}

(《鬼眼》電影截圖)

黃建東內疚拎父母首期去外國讀書 孝順仔望儲錢還家人安樂窩 詳情即睇：【下一頁】

黃建東覺得唔可以只係自己睇到呢個畫面，於是搵保安救命：「我全身毛管豎起，成個人醒晒，即刻尖叫跑去叫醒瞓緊覺嘅看更：『救命呀阿叔！閉路電視有個男人一直企喺架𨋢裏面，但係部𨋢一個人都冇!』」保安抬起頭，睡眼惺忪望一望枱頭個閉路電視畫面，然後慢條斯理同黃建東解釋。原來當日部閉路電視咁啱壞咗，畫面停咗喺壞咗嗰刻，咁啱呢個時候有個男人搭緊升降機，所以先會有呢個畫面。保安仲叫黃建東唔好驚，翌日就會叫人嚟整番好個閉路電視。黃建東再睇清楚啲個畫面，先睇到壞機嘅痕跡，然後終於安心踏入升降機，返屋企。

最後黃建東話，呢知誤會令佢明白到求證真係好重要，否則佢唔問保安，照常返屋企，佢呢世都會覺得升降機內有鬼，住得唔安心。本來黃建東未揭結局，網民睇完紛紛留言：「我打死都唔入去」、「好驚呀」、「真係咁猛？」當黃建東講出真相之後，網民都話笑爆嘴：「頂你唔順」、「哈哈哈唔使驚喎」、「咁大整蠱」，叫佢唔好自己嚇自己。

{{hket:inline-image name="17.jpg"}}{{/hket:inline-image}}

(黃建東instagram截圖)

撰文：張芷晴
責任編輯：楊安莉