恒生銀行「友伴童恒」 支援學童網上功課輔導

因為疫情關係，今年開學日學校都改以網上授課，黛安知道，由聖雅各福群會舉辦、恒生銀行支持嘅「友伴童恒」學童支援計劃，今個月起會將計劃部分功課輔導服務轉為網上進行，支援小學生嘅學習需要。呢個咁有意義嘅計劃亦會延長服務至今年12月，預計可服務超過3,500名基層學生同家庭。

黛安聽聖雅各福群會總幹事李玉芝分享，佢話幸得恒生銀行捐贈，同埋義工隊嘅參與，希望今次計劃可以為學童提供學習或情緒支援，紓緩佢哋嘅學習壓力。恒生銀行副董事長兼行政總裁鄭慧敏就話，部分學童因為無適當嘅資源應付在家上課，無法維持學習進度。所以恒生決定集中資源喺呢方面，希望幫助學生重拾自信。參與機構及學校為此增聘超過350名導師，並為有意投身教育、社福界嘅年輕人提供就業機會，真係好有意義。