藝人需要「網上保母」

近期又有藝人因在個人社交平台失言而失job，更慘遭網民圍攻。該藝人大呼冤枉，澄清是無心之失，但已太遲，眼白白見財化水。早已講過，藝人需要網上保母。跟經理人不同，經理人負責替藝人塑造形象、接工作、議價、排檔期；網上保母則專職替藝人管理個人社交平台，包括︰面書、IG、微信、微博等。像保母湊BB一樣，替藝人在個人平台築起圍牆，保護藝人形象。藝人在上帖前要交保母審核內容、字句、照片，保母會評估時勢，代刪去敏感衣飾、手勢、甫士、背景、字眼等，慎防誤中地雷，藝人無辜捱轟，兼影響形象和工作。網上保母要十分專業，熟知網絡文化、網民心理、有新聞觸覺和精通潮語。就連做網上回應，也要經保母批核，以保萬無一失。大時大節保母會提醒藝人出時令post博like。

任何信息放了上網，何止瞬間傳千里，更是一發不可收拾，辛辛苦苦建立的形象可毀於按錯鍵上，認真唔抵。內地藝人都有自己的網絡團隊，把藝人打造成大IP兼遮風擋雨，吸引廣告商、贊助商注意。很成功。香港娛樂圈則仍未流行「網上保母」。

（本欄逢周一、三、五刊登）