【九五至尊】江華57歲依然有型原來有秘訣？ 愛拍抖音意外令家中內貌曝光

最近TVB深夜播緊經典劇集《九五至尊》，男主角江華喺劇中嘅演出令人拍案叫絕，唔少網民喺討論區留言，希望江華可以返去TVB拍劇，仲有好多網民都好關心佢嘅近況。

江華喺《九五至尊》飾演清朝雍正皇帝，本來呂四娘（張可頤飾演）想刺殺佢，但二人遇到一次水龍捲，結果被帶到200多年後嘅現代社會。雍正用咗李大蝦嘅身分生活，後來加入兆康建材做員工，運用佢嘅才智謀略，由辦公室助理成功變成部門副經理，深得大老闆嘅信任。

{{hket:inline-image name="18.jpg"}}{{/hket:inline-image}}

(《九五至尊》電視圖片)

{{hket:inline-image name="11.jpg"}}{{/hket:inline-image}}

(《九五至尊》電視圖片)

{{hket:inline-image name="19.jpg"}}{{/hket:inline-image}}

(《九五至尊》電視圖片)

{{hket:inline-image name="20.jpg"}}{{/hket:inline-image}}

(《九五至尊》電視圖片)

劇中，江華眼神流露出嘅霸氣、自信嘅笑容都演活到皇帝嘅氣派，唔少網民都大讚佢嘅演技相當出色：「我覺得江華演技好過撈家（羅嘉良）」、「江華做戲好睇啲，又靚仔」、「江華嘅皇帝造型確係幾好，目光炯炯有神」、「佢做雍正真係冇得彈，戲路又廣真係做咩似咩」、「套劇翻睇過4次都係因為你」等等。

{{hket:inline-image name="17.jpg"}}{{/hket:inline-image}}

(討論區截圖)

近日江華被傳媒影到到超市買餸，被問到有冇睇番當年嘅作品《九五至尊》，江華就話太夜，冇睇到，又否認自己休息緊，強調係有工作要做。好多網民都想知道江華近況，原來佢最近加入咗直播平台「抖音」嘅家庭，拍咗唔少短片，擁有6萬多名粉絲。

雖然離開咗幕前已經有段長時間，不過江華表演慾依然非常旺盛，喺鏡頭前經常表演唱歌，又試過扮雀仔、匿埋嚇人等，好鬼馬。

{{hket:inline-image name="21.jpg"}}{{/hket:inline-image}}

(抖音短片截圖)

{{hket:inline-image name="22.jpg"}}{{/hket:inline-image}}

(抖音短片截圖)

{{hket:inline-image name="23.jpg"}}{{/hket:inline-image}}

(抖音短片截圖)

另外江華不時拍片同大家分享食乜咩，大部分都係蛋、菜、魚、麵包、生果，飲食均勻健康，唔怪得年屆57歲都保養得唔錯，依然好有型。

{{hket:inline-image name="14.jpg"}}{{/hket:inline-image}}

(抖音短片截圖)

{{hket:inline-image name="13.jpg"}}{{/hket:inline-image}}

(抖音短片截圖)

仔細咁睇，原來江華家中擁有好大個草地，客廳、廚房都好整齊、乾淨呢！

{{hket:inline-image name="16.jpg"}}{{/hket:inline-image}}

(抖音短片截圖)

{{hket:inline-image name="15.jpg"}}{{/hket:inline-image}}

(抖音短片截圖)

江華早喺84年已經參加過TVB同華星唱片合辦嘅第3屆新秀歌唱大賽，憑張國榮的《風繼續吹》且成功躋身30強而進入決賽，惟之後因私人理由而退出。翌年佢加入亞洲電視藝員訓練班，演過多套劇集，如《郎心如鐵》《九王奪位》，成為一線小生。90年代中期，江華轉投TVB，演繹咗唔少令人難以忘記嘅角色，例如《西遊記》唐三藏、《尋秦記》連晉、《無業樓民》凌希斯等。後來江華決定離巢到北上發展，13年後慢慢淡出娛樂圈，曾一度成為保險經紀。被問到點解唔再重返娛樂圈，江華坦言對自己太高要求，搞到好大壓力，寧願做小販都唔想做演員。

撰文：張芷晴
責任編輯：楊安莉