近日TVB深夜重播《九五至尊》，甘草演員丁主惠飾演岑大老闆（秦沛飾演）嘅秘書Eva，見高拜見低踩，明知呂四娘（張可頤飾演）唔識用手機，唔教佢用，仲黑面耍走佢，叫佢唔好阻住自己做嘢；到岑家四小姐（吳美珩飾演）主動將自己沖嘅咖啡讓畀佢飲，佢就笑容滿臉，同佢傾咗兩句偈。
(《九五至尊》電視截圖)
(《九五至尊》電視截圖)
{{hket:inline-image name="12.jpg"}}{{/hket:inline-image}}
(《九五至尊》電視截圖)
其實唔止呢套劇，甘草演員丁主惠喺唔同劇都經常飾演秘書、闊太、師奶，好多人都睇過佢嘅作品，但係又知唔佢嘅背景？
丁主惠一直喺美國定居，90年代喺街頭被星探發掘拍廣告，繼而被張艾嘉邀請於電影《心動》飾演金城武媽媽。丁主惠曾於美國電視劇擔正做女主角，48歲嗰陣大膽拍露股寫真，成為一時熱話，後來喺TVB拍過唔少劇，如《妙手仁心III》、《怒火街頭》系列等。當時佢為咗陪細仔，先會回流香港繼續演藝生涯。
(《珠光寶氣》電視截圖)
13年，丁主惠轉投王維基旗下嘅香港電視網絡，當時發生過段小插曲。佢曾經透過報章大爆佢喺拍攝劇集一場被推跌戲時未獲安排替身，要親身上陣，令佢拉傷肌肉，需戴頸箍兼做物理治療。同時佢亦控訴向劇組拎飯盒不果，認為佢哋冇尊重演員，最後佢仲喺王維基網誌留訊息投訴。當時港視發言人表示係溝通出問題，澄清劇組有榻榻米同護膝提供。
(王維基facebook圖片)
冇耐港視獲通知不獲發牌，丁主惠重返TVB拍劇，曾於18年港姐競選決賽當晚現身，為奪得季軍嘅侄女丁子田撐場。
(《BB來了》電視截圖)
(東星圖片)
入行19年，丁主惠大多飾演閒角，對白少，但佢冇埋怨自己中年先入行，做唔到偶像派。佢認為自己咁早做媽咪嘅決定係啱，親手湊大兩個仔，到啲仔大個唔再需要佢，佢可以做自己嘅事，咁樣已經好滿足。佢笑言人生經歷多，對投入唔同嘅角色有幫助，所以做實力派都好。佢仲話好滿意平平淡淡嘅演藝路，覺得有觀眾欣賞就夠，唔使大紅大紫。
早幾年，丁主惠趁自己行動自如，返美國度假，陪伴大仔，享天倫之樂。佢話大仔做動畫公司，工作好忙，為咗多啲見到大仔，佢特登每日朝早整午餐，再揸車去佢公司，兩母子撐枱腳，有時會同埋大仔啲同事一齊食，認真係廿四孝媽媽。
撰文：張芷晴
責任編輯：楊安莉