許志安飼養德國牧羊犬「Lucky」多年，如今Lucky已達15歲高齡，年紀好大，身體機能逐漸衰退。尋日，Sammi鄭秀文喺社交平台分享Lucky最新情況，同時表達對佢嘅祝福，長文感動咗唔少網民同一班藝人。
(鄭秀文instagram圖片)
(鄭秀文instagram圖片)
鄭秀文透露Lucky經常分唔清晝夜，有時突然醒來，表情愕然、迷惘，唔知自己喺邊，有時仲會冇胃口、失禁：「醫生早已提示我們，老狗會有晨晩不分的情況，Lucky亦是如此了。有時牠會隨時突然醒來...彷彿並不清楚自己身在何方，然後開始嗚嗚哭叫，像一個正在迷路的人，但只要我們家中三人任何一人給牠輕輕撫摸臉頰身體和輕聲細語一番，牠就會慢慢慢安定下來。牠現在偶爾會失去胃口，我們會努力搭配食物給牠，但又不能太過份濃味油膩，因為牠腸胃很弱。已經失禁的Lucky, 每次牠都很乖乖很安靜，讓我們替牠更換尿片。」鄭秀文仲話，Lucky仔啲肌肉萎縮緊：「牠全身的肌肉都喪失了，摸上去骨骨的 (意指過瘦)。」
(鄭秀文instagram圖片)
雖然Lucky健康情況好差，不過鄭秀文依然抱住樂觀心態面對:「摸牠和親吻牠，對我來說依然是最美最幸福的互動。Mi知道終有一天會離別，所以每個當下就更重要，生命有你是多麼美好。」周慧敏、黎芷珊等都有留言為佢打氣，唔少網民亦有留言：「你對Lucky嘅愛，佢一定知道」、「有Sammi做家人無撼了」
(鄭秀文instagram截圖)
未為人母嘅鄭秀文一直形容自己係「另類母親」，當Lucky好似親生仔咁無微不至。早年Lucky神經有問題，患咗場大病，全靠鄭秀文同許志安連日照顧，帶Lucky進出診所，佢嘅身體情況終見好轉。
(鄭秀文instagram圖片)
今年5月，Lucky健康急轉直下，後腳冇力，唔可以自如坐低同行路，經常行到一拐一拐，想坐都好吃力。鄭秀文為Lucky設置步行輔助帶，牽引住佢慢慢行。當時鄭秀文指為Lucky感到驕傲：「每一步都不是容易，但你做得很好啊！就像一個為生命而努力著的老人家啊」
(鄭秀文instagram截圖)
另外鄭秀文為Lucky安排治療師帶儀器上門治療，佢就喺隔籬學習，每日早、午、晚定時幫Lucky拉筋、按摩、敷腳，鍛鍊肌肉：「完全沒有經驗的我們，幸好有獸醫和治療師帶領，我不會容讓自己陷進悲觀。Lucky能活到今天，我們已很感恩。牠用了一輩子去給予我們愛，有時忽然想到牠會有一天離開，心裏很難受」，引起唔少狗主共鳴。
(鄭秀文instagram截圖)
(鄭秀文instagram截圖)
{{hket:inline-image name="14.jpg"}}{{/hket:inline-image}}
(鄭秀文instagram截圖)
{{hket:inline-image name="13.jpg"}}{{/hket:inline-image}}
(鄭秀文instagram截圖)
撰文：張芷晴
責任編輯：楊安莉