一田雪糕祭 多個優惠歎經典雪糕

夏日炎炎，最好就係歎下雪糕！公關姊妹同黛安報料，一田超市繼第一彈雪糕祭吃遍亞洲冰品之後，第二彈由下星期二（21日）起直奔歐美，等大家可以嘗遍經典風味雪糕。其中以奶香濃郁、軟滑著稱嘅Mackie's香濃雪糕，$49.9就可以買到3杯。GODIVA亦推出3款雪糕，可可味香濃，朱古力控一定要試呀！今年一田更推出Häagen-Dazs、MÖVENPICK及Dreyer's雪糕預購套票，等雪糕迷可以用優惠價錢就可以歎到3個品牌嘅產品。

除咗各款冰品外，一田仲有多個優惠益街坊。YATA-Fans會員憑一田或恒生信用卡買指定雪糕，最多可享額外85折。即日至今個月31日，逢星期四、五、六日憑恒生信用卡單一簽帳淨額滿$600或以上，即可獲$20禮券乙張；如果以流動支付簽帳，更可額外送多一張$20禮券，每張卡每日限換1次，回贈高達6.6%㗎。另外，單次買雪糕滿$300即送西瓜形冰袋，數量有限，送完即止。大家快啲去入貨啦！