【醫護辛酸】租酒店被拒兼遭「黑面審犯」前線醫護嘆被用完即棄：好心淡

本港爆發第三波新冠肺炎疫情，前線醫護首當其衝，為免影響家人，多會考慮入住醫院附近酒店自我隔離。然而，近日卻有一名自稱Dirty Team護士在網上大吐苦水，指預訂沙田一間酒店暫住兩星期，卻遭酒店經理以強硬語氣逼使退房，即使後來轉住另一間酒店，亦因得悉對方是醫護而被拒入住，令他大嘆心淡。

一名自稱是前線醫護士朋友的網民在Facebook專頁「公務員secrets」上撰文為其打抱不平，指「我朋友內心好難過」，他解釋明日起其護士朋友便要加入Dirty Team，因此一早預訂沙田一間酒店打算暫住兩星期，未料到今日辨理入住手續時，該酒店前台在查閱資料後，即「黑面審問」其入住原因：

「個前台已經好似審犯咁黑晒面咁審我朋友，問我朋友做乜book（訂）兩星期，喺邊度返工，我朋友都好體諒佢哋嘅擔心，所以如實咁答佢。」

至當晚9時許，事主收到酒店經理電話，詢問其職位以及「會唔會接觸到病人」，又多次致電問何時會回到酒店房，並表示會為其安排調房；不過，經理的態度卻令他感到不被尊重，只好主動提出退房：「既然你咁介意，唔好勉強，不如我退房啦」，對方卻回應：「咁樣我哋會好難做。」惟通話結束後，又隨即收到酒店退款通知。事主稱調房不是問題，惟對方的態度惡劣，形容如「爛仔」一樣，因而大感不悅：

「經理態度係真係好離譜，言語中係好唔尊重醫護，唔好話醫護，連普通客都好難接受呢個態度。」

其後事主又轉住另一間酒店，雖然酒店職員的態度不錯，惟得悉對方是一名醫護後，同樣拒絕其入住。屢被拒入住酒店，令其事主大為失望，並心淡表示自己就像安全套，被人用完即棄：

「你有病，我哋就人工包嘅，一定要入去救你。但而家醫護連瞓覺嘅地方都冇......你走黎驚我地呢啲full gear（全副裝備）去救香港人嘅醫護，好心淡」

對此，不少人心疼該護士遭遇，並鼓勵不要感到灰心，「喺依家嘅香港係有好多咁樣嘅自私精，但千祈唔好氣餒，仲有更多更多嘅香港人支持您哋，感謝您哋嘅付出」。亦有人認為最大問題在於政府應為前線醫護考慮住宿問題，「其實政府應該幫dirty Team嘅人安排住宿」，不過亦有人回覆醫管局已為醫護人員提供臨時宿舍。此外，亦有人指摘酒店亦應該尊重出心出力抗疫的醫護，「就算唔租比人，態度可唔可以好啲呢」。

延伸閱讀：

醫護限定住宿優惠【查看詳情】

撰文：林幸琦