Elements食$1000送$500 利園區五重賞下周開賞

黛安最近行商場，見到唔少商場都推出優惠，好似Elements圓方由即日起至7月31日，推出Summer Delights消費獎賞。逢星期一至四（公眾假期除外）晚上6時後，喺場內指定餐飲商戶以電子貨幣即日單一消費滿$1,000，即可享$500 Elements圓方餐飲現金券。另外，去指定美容及護理商戶，以電子貨幣即日單一消費滿$1,800，亦可獲$500餐飲現金券㗎。推廣活動只限「圓方之友」參加，只要透過Elements手機應用程式登記就得。

另外，仲有利園區今個夏天亦會推出「Rewards Together」購物驚喜五重賞，第一重賞係下周四（16日）至31日期間，只要喺利園區消費滿指定金額，即可享高達15%消費回贈，顧客每日最多可獲總值$1.5萬優惠禮券啊。其他獎賞優惠詳情，可留意利園區fb或ig最新公布。