平衡車公園周末學堂 開啟兒童運動細胞

暑假就快到，唔少家長都要幫仔女諗定暑假活動，黛安就有好介紹，就係新城市廣場新開嘅全港首個戶外常設平衡車公園，公園喺今個月18日起會舉行一個「Little Riders周末追風學堂」，同埋一站式兒童戶外玩樂專家Jollymap，精心設計出一系列涵蓋唔同程度嘅課程，等2至6歲幼兒可以玩住嚟開啟運動細胞。

呢個平衡車公園自從上個月開幕後，吸引咗唔少家長帶埋仔女自攜裝備去享受追風刺激，即日起登記做會員仲可以免費預留入場證㖭。此外，新城市廣場仲聯同商場3期嘅中西日韓星級食肆，推出多款美食套餐，例如有幸福班戟嘅消暑班戟套餐、馬場洞烤肉專門店嘅韓式Majang兒童餐等，大家記得去試下。