7-Eleven x JEANASIS 換購2款靚靚手挽袋

疫情令到愈來愈多人重視健康，黛安返工都會自備飯盒、水樽等，正準備買一個方便又型格嘅手挽袋，剛剛聽公關姊妹報料，原來7-Eleven二度聯乘日本潮流服飾品牌JEANASIS，即將推出限量版手挽袋，仲有藍杏色同灰橙色兩款選擇，用嚟裝飯盒、水樽，或者帶出街都夠晒時尚！

公關姊妹話，今次7-Eleven x JEANASIS嘅限量版手挽袋，袋連手挽約高32厘米，闊約20厘米，以帆布質地為主，袋身堅挺得嚟唔易變形，簡約又有質感；手挽帶印有JEANASIS字樣，袋口以繩索設計，可以輕易收緊拉鬆。底部仲有海綿墊，可以放到兩個長方形玻璃飯盒，或者用嚟裝縮骨遮、銀包、水樽等唔同物品都得，型得嚟又有日系感，仲好易襯衫㖭！

如果大家想換購就要留意喇，下星期一（6日）早上7時起至8月2日，只要到7-Eleven購買任何7-SIGNATURE沖繩飯糰或和風滋味三文治，加$35即可換購1個，數量有限，換完即止㗎！