太古城中心奇招搶客 推無限制現金券獎賞

政府派嘅1萬蚊就快到手喇，黛安最近見到好多商場都各出奇招吸客。聽公關姊妹講，太古城中心就第一次破天荒推出無消費條件現金券獎賞計劃—「快樂Loop住賞」，最高可達14.5%回贈，Loop住賺高達$700商場和商戶現金券，等你喺超過100間商店盡情購物！

今次活動由即日起至7月12號，只要喺活動網站登記簡單嘅個人資料，設立個人專屬QR Code，喺太古城中心以單次電子貨幣消費滿指定金額，就可以去到2樓西橋換領處，憑個人專屬QR Code賺取「Loop住賞」積分，多買多儲。

話明係無消費條件嘅現金券，拎住現金券就可以當錢使啦。公關姊妹提提大家，可以留意太古城中心不斷更新嘅現金券換領組合，然後喺唔同嘅組合入面揀選最適合自己消費模式嘅現金券，化身成精明消費者，再去誠品生活太古店、馬莎、MOViE MOViE Cityplaza、UNIQLO等盡情掃貨。仲等？黛安已經寫好購物清單，一次過買齊晒返屋企！