【男財女富】盤點馬明靚湯名下物業 兩個單位加埋市值有幾多？

「鑽石荀盤」馬國明與「靚湯」湯洛雯戀情觸動娛樂圏，「男才女貌」得到眾人祝福之餘，雙方的「財力」亦不容忽視，皆因兩人分別持有的物業均市值上千萬，可謂門當戶對。

今年登上視帝寶座的馬國明，入行多年，上車前一直與家人同住太古城一個900多呎的單位，直到2016年，他以個人名義豪擲1,960萬買入太古城金楓閣複式特色戶，實用面積1,046平方呎，3房1套間隔，成交價更創下當時新高。

其實作為樓市風向標的太古城中心，向來受市場追捧，而且該屋苑的特色戶供應有限，一向有價有市，放盤非常罕有，幾乎每年只有一宗。以同座去年一個2,200萬元成交的1,015呎單位計算，市場估計他持有的單位最少市值2,500萬以上，馬明果然有眼光。

{{hket:inline-image name="0626WLfeaturepageok2.jpg"}}{{/hket:inline-image}}

▲太古城向來是樓市指標之一，備受追捧。

至於2012年參選港姐後入行的湯洛雯，本身家底豐厚，唔使好似馬明捱足多年先做到業主。去年，她便以4,581.3萬購入馬鞍山雲海別墅，實用面積2,161平方呎，另連花園、天台、梯屋、露台及車位，屬於區內罕有洋房。

第2期雲海別墅只有67伙，提供41座洋房及26座別墅。去年同為雲海Lily Avenue的兩幢2,000多呎別墅均以逾5,000萬成交；至於一幢面積3,801平方呎的雲海洋房，數月前更以逾1.27億沽出，創項目及區內住宅新高，靚湯首置上車便買入近半億獨立屋，認真唔惹少。

{{hket:inline-image name="0626WLfeaturepageok3.jpg"}}{{/hket:inline-image}}

▲雲海別墅只有67伙，是馬鞍山區內罕有洋房。

不可多得的是二人均為孝順仔女，即使買新屋都是與家人同住，希望屋企人住得更舒服。雖然靚湯的豪宅看起來比馬明的特色戶更架勢，但講到底有「父蔭」支撐，唔使自己供哂；馬明則靠自己拼搏，買入千呎藍籌屋苑頂層單位，絕對是「荀盤」。如果兩人將來結婚，不知會否另築愛巢呢？

編輯：梁銚玶

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/