近年嚟視后一個走完又一個，除咗汪明荃、鄭裕玲仲會留守TVB，搞遊戲節目，原來好多視后級人馬都已經離巢？
宣萱
宣萱喺92年拍廣告被TVB發掘入行，99年憑《刑事偵緝檔案IV》武俏君一角贏得視后，但最令觀眾記得係佢同古天樂再合作嘅《尋秦記》。後來佢離巢，憑《我來自紐約》奪澳門國際電影節最佳女配角，之後佢以自由身身分入TVB拍過《不懂撒嬌的女人》。近兩年佢同古天樂合作咗《L風暴》、《犯罪現場》、《尋秦記》，問佢成日對住古天樂有咩感覺，佢話唔會對厭，古天樂就話同宣萱仲好夾，有永遠嘅默契。
(TVB電視截圖)
(宣萱instagram圖片)
鄧萃雯
鄧萃雯喺84年加入TVB藝訓班，04年憑《金枝慾孽》如妃一角被好多觀眾封為「視壇天后」，但最後黎姿得到視后。直到09、10年，佢憑《巾幗梟雄》同《巾幗梟雄之義海豪情》贏得視后。後來佢離巢，倒戈去ViuTV主演劇集《婚內情》，飾演強勢嘅畫廊老闆馬淑湘，依家佢喺大陸仲有3套劇未上映。
(TVB電視截圖)
{{hket:inline-image name="21.jpg"}}{{/hket:inline-image}}
(ViuTV電視截圖)
李司棋
李司棋係68年港姐冠軍，繼而加入TVB，代表作有《山水有相逢》、《真情》等。不過講到最令觀眾記得，就係佢喺《溏心風暴》嘅角色大契，佢憑此角喺07年成為視后。後來佢離巢，期間曾以自由身身份返TVB拍《溏心風暴3》，但依家佢因左耳突發性失聰，加上長受耳鳴困擾，令她決定休息養生，依家得閒會玩IG。
(TVB電視截圖)
{{hket:inline-image name="23.jpg"}}{{/hket:inline-image}}
{{hket:inline-image name="20.jpg"}}{{/hket:inline-image}}
(李司棋instagram圖片)
蔡少芬
蔡少芬係91年港姐季軍，繼而加入TVB。佢喺25歲憑《天地豪情》勇奪視后，至今仍保持最年輕視后紀錄。其後，佢喺《洛神》出演「甄宓」大獲好評。01年開始佢北上發展，憑《後宮甄嬛傳》皇后一角令佢演藝路再創高峰。後來佢離巢，主力拍綜藝節目、真人騷，好受大陸網民歡迎。
(TVB電視截圖)
{{hket:inline-image name="26.jpg"}}{{/hket:inline-image}}
(蔡少芬微博圖片)
{{hket:inline-image name="25.jpg"}}{{/hket:inline-image}}
(電視截圖)
田蕊妮
田蕊妮係憑93年歌唱比賽奪得金獎而入行，07年佢加入TVB，13年憑《巨輪》姚文英一角奪得視后之位。之後佢同胡定欣合作拍《鬼同你OT》好評如潮。可惜最後佢離開TVB，回復自由身，並透露已開設新公司。
(TVB電視截圖)
(田蕊妮facebook page截圖)
{{hket:inline-image name="27.jpg"}}{{/hket:inline-image}}
(田蕊妮instagram圖片)
黎姿
黎姿(現名：馬黎珈而)喺85年拍《開心鬼放暑假》入行，04年憑《金枝慾孽》成為視后。因為細佬黎嬰遇到車禍，黎姿離巢，同年下嫁馬廷強，兼打理細佬嘅皮膚護理中心。依家佢忙於湊大3個女，同時又係醫學美容公司行政總裁。近日佢上載咗唱歌短片，獲粉絲同網民激讚，希望佢復出。
(TVB電視截圖)
{{hket:inline-image name="22.jpg"}}{{/hket:inline-image}}
(黎姿instagram圖片)
{{hket:inline-image name="24.jpg"}}{{/hket:inline-image}}
(黎姿instagram圖片)
{{hket:inline-image name="19.jpg"}}{{/hket:inline-image}}
(黎姿instagram圖片)
撰文：張芷晴
責任編輯：楊安莉