現年49歲嘅鍾麗緹跟細12年嘅內地老公張倫碩結婚四年，一直恩愛，但可惜仍未有愛情結晶品誕生。近日鍾麗緹同奶奶賈慧芬，參加大陸綜藝節目《婆婆和媽媽》，同場仲有台灣藝人伊能靜同奶奶，兩對婆媳談及愛情同生仔話題，鍾麗緹奶奶非常直接地表示，如果家嫂生唔出BB，佢會非常遺憾。
相關新聞：【90年代女神】鍾麗緹因前夫受委屈 再嫁變少女 大女愈大愈靚望入行 似足媽媽
{{hket:inline-image name="7941d23agy1g8ribelpqyj21d80wt4p1.jpg"}}{{/hket:inline-image}}
（圖片：鍾麗緹微博）
節目入面，鍾麗緹問到奶奶：「如果我真係唔會再生到小朋友，你會怎樣呀？」奶奶聽完即時面色一沉，思考數秒就答：「我會覺得非常遺憾，因為我諗，我冇可能唔想你生個小朋友。你冇嘅話我會非常遺憾，我會心入面唔痛快。」
（圖片：《婆婆和媽媽》影片截圖）
奶奶直言如果鍾麗緹生唔出會好遺憾（圖片：《婆婆和媽媽》影片截圖）
而坐喺旁邊嘅伊能靜奶奶秦昊即刻附和話：「對！」伊能靜覺得情況不妙，即時出聲阻止，「唔好搭嘴，媽。」
伊能靜奶奶都好認同（圖片：《婆婆和媽媽》影片截圖）
伊能靜即刻制止奶奶加把口（圖片：《婆婆和媽媽》影片截圖）
鍾麗緹婆婆繼續解釋：「如果說毛毛（張倫碩）願意同你一齊過，你哋過得好，你冇小朋友佢又同意，咁你哋就好好地過。但要我講老實話，我係非常遺憾。」呢個時候，秦昊媽又頻頻點頭話：「父母嘅心情係咁樣。」而鍾麗緹委屈咁捉奶奶嘅手，然後表示：「我哋都係希望老人家可以開心。」
（圖片：《婆婆和媽媽》影片截圖）
呢個時伊能靜終於睇唔過眼，用藉口拉走自己奶奶，然後單獨勸佢唔好參與人地家事：「生育係大事，你唔好加把口，呢個係好大壓力很嘅事，我當時經歷過，實在太痛苦，你唔好為一直認同人地，因為你唔知道會傷害到邊個。可能佢（鍾麗緹）都好努力想生小朋友呢，多鼓勵，好嗎？」其後奶奶都表示明白，唔少網友都讚伊能靜情商高，會為鍾麗緹着想，又唔會搞到場面尷尬。
鍾麗緹同老公結婚4年一直恩愛（圖片：鍾麗緹微博）
49歲嘅鍾麗緹經歷三段婚姻，育有三個女兒。佢於1998年嫁給外籍丈夫Glen Ross，育有一女Yasmeen Ross，但婚姻只維持4年，於2002年離婚。及後佢為第二任老公台灣音樂製作人嚴錚生下兩女Jaden、Cayla，可惜喺2011年離婚。經歷兩次婚姻失敗後，鍾麗緹未有氣餒，繼續愛得勇敢，拍攝內地真人騷《如果愛》時，同細佢12年嘅張倫碩發展姐弟戀，後來男方更喺節目中驚喜下跪求婚。兩人婚後雖然無所出，但現時鍾麗緹將三名女兒都改姓張。
（圖片：鍾麗緹微博）
鍾麗緹經常同奶奶一齊周圍玩，相信現實生活入面感情唔錯。（圖片：鍾麗緹微博）
三個女兒都好靚（圖片：鍾麗緹微博）
撰文：羅慧怡
責任編輯：楊安莉