鍾麗緹推介最強面膜 「一夜秒回18歲」

鍾麗緹最近頻頻於微博化身推銷達人，繼之前推介神奇飲油療程，只要飲足11日就聲稱可醫好糖尿病、高血壓、肝硬化，惹來各界炮轟，搞到老公張倫碩都要幫手護航認錯後，近日鍾麗緹又有好介紹，就係一款超勁面膜，已經48歲嘅佢強烈推介話：「很多朋友覺得我皮膚保持的很不錯，其實是因為#XX面膜#真的很好用，真心想推薦，#一夜秒回18歲#真的很凍齡喲！」

只要敷一晚就可以後生30年，重返18歲，大家係咪覺得好神奇先？而為加強說服力，鍾麗緹仲不斷晒大頭相，真係一條皺紋都無架！不過可能由於太過神奇，唔少網民都抱保留態度，更有人質疑可能違反內地法律：「一夜秒回18歲屬於虛假宣傳，按照《廣告法》最低可以罰款20萬！」、「第一次見化濃妝護膚，為了廣告不接地氣。」、「盜號了，最近都是廣告」不過亦有網民力撐鍾麗緹，大讚佢保養得好，絕對係真女神。

{{hket:inline-image name="errr.jpg"}}{{/hket:inline-image}}

鍾麗緹微博