WeChat Pay HK 6月多優惠 獎賞逾百元

黛安平時行街買嘢成日都用電子銀包，知道WeChat Pay HK今個月推出總值逾百元獎賞，由即日至今個月30日，用戶喺全港OK便利店、759阿信屋、佳寶食品超市單筆消費滿$10，即可以獲贈印花1個，憑2個印花就可以換到$5電子現金券1張，用戶喺每個商戶最高可以賺$10，好着數啊。

另外，用戶喺今個月底前進入「多用多賞」推廣頁面，即可取得$2電子現金券1張，最多可領取同使用8張$2通用券，並可於WeChat Pay HK商戶單次消費滿$10時使用。WeChat Pay HK又同中電合作推出優惠，新用戶可領取高達$30電子現金券，交電費方便之餘，又有着數，大家唔好錯過喇。