推動物WhatsApp圖 港燈提醒大眾關注保育自然

愛護地球要靠大家努力，黛安知道港燈都好支持「世界環境日」，今年除咗舉辦公開攝影賽，仲推出一輯好盞鬼嘅香港動物WhatsApp貼圖供大家免費下載，希望藉此提醒大眾關注保育自然、愛護環境。

港燈董事總經理尹志田話，公司已經連續9年響應「世界環境日」，今年除咗喺公司舉辦舊書及小型電子用品回收等活動，亦喺facebook專頁「堅尼地道44號」舉辦「生物多樣化@南丫攝影比賽」，至今已經收到逾100張作品。

至於新推出嘅動物WhatsApp貼圖，就有盧氏樹蛙呱呱叫「咩話」等款式，有趣又實用，大家快啲下載啦。